گه‌ر نه‌خۆشی گورچیله‌ت هه‌یه‌ تا ده‌كرێ له‌م پێنچ خۆراكه‌ دووربكه‌وه‌.

گورچیلە ئەندامێکی سەرەکی لەشە و دروستی ئەم ئەندامە کاریگەریەکی تەواوی لەسەر لەش دەبێت و ھەر کەموو کورتیەک لەم ئەندامەدا ڕوبدات ئەوا کێشە بۆ ھەموو لەش دروست دەکات.”

ئەو خۆراکانەی کە ئێمە باسیان دەکەین بریتین لە:-

١- گۆشت:-
گۆشت پێکھاتیەکی پڕ پرۆتینە و لەکاتی خواردندا کێشە بۆ گورچیلەکان دروست دەکات چونکە ڕێژەی پرۆتین زیاد دەکات لەلەشدا و بەمەش کرداری زیندە پاڵ زیاد دەکات و گورچیلە ناتوانێت ھەموو پاشماوەکانی ئەو کردارە بەو خێرایە بپاڵێوێت و بیان کاتە دەر. ھەر بۆیە بۆ سەلامەتی گورچیلەکان باشتر وایە خواردنی گۆشت کەم بکرێتەوە یا بە پێی پێویست بەکاربھێندرێت.
٢- خوێ:-
لەشی مرۆڤ پێویستی بە ڕێژەیەکی زۆر نیە لە خوێی سۆدیۆم بۆیە دەتوانرێت بە خواردنی سەو زەو میوەکان ئەم ڕێژەیە بۆ لەش دابین بکرێت. زۆر کەس بۆ گۆڕنی تام یا بۆنی خۆراکەکەیان ڕێژەیەکی زۆر لە خوێ بەکاردەھێنن کە زیانێکی زۆری بۆ گورچیلەکان ھەیە. لەکاتێکدا کە ڕێژەی خوێ زیاد ببێت لە لەشدا ئەوا گورچیلە وەڵامدانەوەی دەبێت بۆ ھەڵگرتن یا پاراستنی ئاو لە پێناو ڕێکخستی کارەبای دڵ و پاراستنی ئەرکی دڵ بەمەش قورسای لەسەر ئەرکی گورچیلە دروست دەبێت ناتوانێت بە شێوەیەکی سروشتی پاشماوەکان بپاڵێوێت و بیان کاتە دەروە .
٣- خواردنەوە غازیەکان:-
خواردنەوە خازیەکان کە بریتین لە سۆدە و خواردنەوە وزە بەخشەکان کە ئەمانەش کاریگەری خراپیان ھەیە لەسەر گورچیلە. ئەم خواردنەوانە یەکێکن لە ھۆکارە سەرەکیەکانی دروستبونی بەردی گورچیلەو ڕمڵ. لە بەرانبەر ئەوانەدا دەتوانیت خواردنەوە لیمۆیەکان بە شێوەیەکی دروست و گونجاو بخۆیتەوە کە ھاوکاری گورچیلە دەکات بە سروشتی کاری خۆی بکات.
٤- شیرە مەنیەکان (بەرھەمەکانی شیر و سپیایی :-
شیرەمەنیەکانیش ھاوشێوەی گۆشت خواردنێکی پڕ پرۆتینین. خواردنەوەی شیرەمەنیەکان دەبێـە ھۆی زیادکردنە دەرەوەی کالیسۆم لە ڕێگەی میزەوە ئەم کالیسۆمە دەتوانێت لەگەڵ بەرد و ڕملەکتن یا پاشماوە دەرنەچوەکانی ناو گورچیلە یەکبگرێت و بەردی گەورە دروست بکات لە گورچیلەدا. زیادبونی پرۆتین وادەکات کە گورچیلەکان سست ببن و لەکاربکەون. کەمکردەنەوەی خواردنی (خواردنەوەی) شیرەمەنیەکان دەبێتە ھۆی ھاوکاری کردنی گورچیلە بۆ جیاکردنەوە و پاڵاوتنی ئاو و خوێن و کردارەکەی ئاسان دەکات.
٥- کافاین :-
کافاین یەکێکە لەسەرچاوەکانی شێواندنی ئەرکی گورچیلە. کافاین ھەڵدەستێت بە ھەستیارکردن یا ھاندانی خوێن و زیادکردنی شەپۆل (تەوژم و خێرای) ی خوێن لە گورچیلەکاندا. بەکارھێنانی کافاین دەبێتە ھۆی نەخۆشی سستی درێژ خایەن یا پوکانەوەی گورچیلە و قەڵەوی و زیادبونی ڕێژەی شەکری خوێن (قورس کردنی نەخۆشی شەکرە).

تێبینی:- ئەو خۆراکانەی لێرەدا باسیان لێوە دەکەین بەواتای ئەوە نیە کە دەبێت بە تەواوەتی لێیان دوربکەوینەوە و نەیان خۆین تا گورچیلەمان بە دروستی بمێنێتەوە لێرەوە ئێمە دەڵێین پێویستە ئەم خۆراکانەش بخورێن بەڵام بە ژەم و ڕێژەی پێویست و زیادە ڕۆی تێدا نەکرێت چونکە نەک تەنھا زیان بە گورچیلە دەگەیەنێت بەڵکو زیان بە کۆئەندامی ھەرس و کۆمەڵێک ئەندامی تر دەگەیەنێت.

 

Back to top button