عه‌بدوڵای كوێخا موباره‌ك: سیاسه‌ت ته‌نها چاخواردنه‌وه‌و دانیشتن نییه له گرده‌كه
عەبدوڵای کوێخا موبارەک، بەرپرسی مەکۆی چەمچەماڵی بزووتنەوەی گۆڕان لە تۆمارێکی ڤیدیۆییدا دوێنێ شه‌وی ڕابردوو له هه‌ژماری تایبه‌تی خۆی له تۆڕی كۆمه‌ڵایه‌تی فیسبووك بڵاوكرده‌وه‌و تێدا ده‌ڵێت :” دەبێ ئەمجارە گۆڕان هەڵوێست و بڕیار و بەرنامەی خۆی هەبێت، بەش بەحاڵی خۆم بەهیچ شێوەیەک قەبوڵکردنی ئەم دۆخە تەحەمول ناکەم“.
بەرپرسی مەکۆی چەمچەماڵی بزووتنەوەی گۆڕان ده‌شڵێت:”بزوتنه‌وه‌ی گۆران پێویستی به شتێكه بۆ ئه‌وه‌ی به‌رگری له خۆی بكات ،به‌رده‌وام من بیرم لای ئه‌وه بووه كه پارێزگاری له خۆمان بكه‌ین ، سیاست ته‌نها چای خواردنه‌وه‌و دانیشتن نییه له گرده‌كه ،سیاسه‌ت پڕه له نهێنی و په‌یوه‌ندی و تاكتیك و پلان و بگره پڕه له فرت و فێڵیش”.
هه‌رله‌و تۆماره ڤیدیۆیه‌دا (عه‌بدوڵای كوێخا موباره‌ك ) گوتی :”ئێمه كێشه‌یه‌كمان هه‌یه كه‌له‌ناو سه‌ركردایه‌تی بزوتنه‌وه‌ی گۆراندا باوه‌رمان به‌په‌یوه‌ندی سیاسی و دیپلۆماسی نییه ،ته‌كتیك و پلانمان له سیاسه‌تدا نییه و هه‌نگاوه‌كانی ئێمه ئاشكران”.
عه‌بدوڵای كوێخا موباره‌ك هه‌ڵسوڕاوی بزووتنەوەی گۆڕان له تۆماره ڤیدۆیه‌كه‌دا گوتیشی :” : ”تا ئەو ڕۆژەی دەمرم، ئەو فیشەکانەی کە بە دەستێکی لەرزۆک و ترسنۆک کە چوار حەشدی شەعبی ڕاویانی نا، ناویانەتە مەکۆی سەرەکییەوە بەتایبەتی کە لە وێنەی نەوشیروان مستەفای داوە، تا مردن لەبیرم ناچێ.
ئێواره‌ی 12ی مایسی 2018 دوای کۆتاییهاتنی ئەنجامی بەرایی و نافەرمیی هەڵبژاردنەکانی پەرلەمانی عێراق لە پارێزگای سلێمانی، بزووتنەوەی گۆڕان و سەرجەم لایەنەکان ئەوەیان ڕاگەیاند کە ساختەکارییەکی یەکجار گەورە لە قازانجی یەکێتیی نیشتمانیی کوردستان کراوە، دواتر گۆڕان ڕای گەیاند کە هێزێکی سەر بە لاهوور جەنگی پەلاماری گردی زەرگەتەی داوە و هەوڵی دەست بەسەرداگرتنی میدیای بزووتنەوەکەش دەدات، بەو هۆیەوە داوا لە لایەنگرانی گۆڕان کرا، بە چەکەوە پارێزگاری لە مەکۆی سەرەکیی گۆڕان بکەن.
