بۆچی پارتی نیوه‌رۆی 12ی 5 هه‌ره‌شه‌ی كرد، بۆچی نه‌وێران نه‌تیجه‌ی هه‌ولێر و دهۆك بگۆڕن
نیوه‌رۆی 12ی 5ی 2018 واتا رۆژی ده‌نگدان، پارتی دیموكراتی كوردستان هه‌ره‌شه له كۆمسیۆنی باڵای هه‌ڵبژاردن و به‌رپرسانی به‌غدا ده‌كات، به‌وه‌ی ئه‌گه‌ر ده‌ست له نه‌تیجه‌كانی پارتی بدرێت، له هه‌ڵبژاردن، ئه‌وه له‌به‌رده‌م هه‌موو میدیایی دونیا سندووقه‌كان به‌ده‌ست ده‌ژمێرێته‌وه”.
سه‌رچاوه‌یه‌كی ئاگادار و نزیك له پارتی دیموكراتی كوردستان له كۆمسیۆنی باڵایی سه‌ربه‌خۆی هه‌ڵبژاردن و راپرسی له‌كوردستان، به‌خواكوڕكی راگه‌یاند،نیوه‌رۆی 12ی 5ی 2018، راپۆرتێك راده‌ستی پارتی ده‌كرێت كه تێیدا هه‌موو پیلانگێریه‌كه‌ی و زانیاریه‌كانی تێدا ده‌بێت له‌باره‌ی گۆڕینی ئه‌نجامه‌كانی ده‌نگدان، پارتیش له‌رێگای كه‌ناڵی فه‌رمی خۆی به ئاشكرا ده‌لێت، ئه‌گه‌ر ئه‌مه له‌هه‌ولێر و دهۆك و ده‌نگه‌كانمان له ناوچه‌كه جێبه‌جێ بكرێت، ئێمه‌ش ته‌واوی میدیاكانی جیهان كۆده‌كه‌ینه‌وه، سندووقه‌كانی ده‌نگدان له‌پێش چاوی میدیاكان ده‌ژمێرین”.
هه‌ر به‌گوێره‌ی زانیاریه‌كان كه ده‌ستی خواكوڕك كه‌وتووه، له‌هه‌ولێریش ده‌نگه‌كان ده‌ستكاری كراوه، به‌ڵام ده‌نگی پارتی نه‌وێرانه ده‌ستكاری بكرێت، به‌ڵام له سلێمانی ده‌نگی پارتی به سێ ده‌نگ یه‌كێك هه‌ژمار كراوه، به‌ڵام ئه‌وه‌ی كه بۆ خه‌ڵك ئاشكرا نیه، ده‌نگی یه‌كگرتوو له هه‌ولێر و به‌شێك له دهۆك و له سلێمانی هه‌مووی خراوه‌ته سه‌ر یه‌كێتی و نه‌وه‌ی نوێ، ئه‌مه له‌كاتێكدایه، ده‌نگی گۆڕان هیچ ده‌ستكاریه‌ك نه‌كراوه، ده‌نگی كۆمه‌ڵیش هیچ ده‌ستكاری نه‌كراوه، هاوپه‌یمانی و دیموكراسی به‌رهه‌م ساڵح به خێر زیاد كراوه، چوارچێوه‌ی بۆ دیاری كراوه، كه ئه‌وه‌نده كورسیه‌ی بده‌نێ مه‌گه‌ر نا هیچ یه‌كێك له ده‌نگه‌كانی هاوپه‌یمانی نه‌خراوه‌ته روو”.
سه‌رچاوه‌كانی ناو پارتی دیموكراتی كوردستان باس له‌وه ده‌كه‌ن، پارتی له سنوری دیاله و سنوری مووسڵ و سلێمانی و چه‌ند ناوچه‌یه‌كی تر زیاتر له 250 هه‌زار ده‌نگی پارتی بردراوه، ته‌نها نه‌یانتوانیوه له‌سنوری پارتی واتا هه‌ولێر و دهۆك و به‌شێك له ده‌شتی نه‌ینه‌وا نه‌تیجه‌كان بگۆڕن مه‌گه‌ر نا له‌هه‌موو ئه‌وناوچانه‌ی كه پارتی تێیدا باڵاده‌ست نه‌بووه، ده‌نگی بردراوه، بۆنموونه، 13 هه‌زار بێ كه‌م و زیاد ده‌نگی پارتی دراوه‌ته یه‌كێتی، له دیاله زیاتر له 16 هه‌زار ده‌نگی پارتی دراوه‌ته یه‌كێتی، له سلێمانی پارتی 94 هه‌زار ده‌نگی سابتی هه‌یه، كه‌چی 45 ده‌نگی به‌خێر بۆ گه‌راندراوه‌ته‌وه”.
سه‌رچاوه‌كان باس له‌وه‌ش ده‌كه‌ن، ناره‌زایه‌تی كۆمه‌ڵ و گۆڕان و شاسوار، له‌گه‌ڵ لایانی نارازی، ته‌نها سیناریۆیه، بۆ تێپه‌راندنی دۆخه‌كه‌یه، مه‌گه‌ر نا، هیچ یه‌كێك له‌مانه ده‌نگیان بۆچووه، ده‌نگیان كه‌می نه‌كردووه، ته‌نها ئامانجی هاكه‌كه، ده‌نگی لێدان بووه له پارتی و یه‌كگرتوو، ئه‌مه له‌كاتێكدا، یه‌كێتی ده‌نگی بۆ زیاد كراوه”.
سه‌رچاوه‌كان باس له‌وه‌ش ده‌كه‌ن، ئامانجی ئێران پشت شكاندنی پارتی و یه‌كگرتوو بووه، به‌ڵام ده‌سه‌ڵاتی به‌سه‌ر ناوچه‌ی پارتی نه‌شكاوه، بۆیه ته‌نها یه‌كگرتوو، به‌ركه‌وتووه، به‌ڵام مه‌كته‌بی سیاسی پارتی ئاماده‌ی خۆی ده‌ربری بۆ هه‌ژمار كردنه‌وه‌ی ده‌نگه‌كان له سنوری پارێزگای هه‌ولێر و دهۆك، جگه له‌وه‌ش داوایی كردووه، له سنوری پارێزگای سلێمانیش ده‌نگه‌كان هه‌ژمار بكرێنه‌وه، ئه‌مه‌ش له‌كاتێكدایه، له‌سنوری پارێزگای كه‌ركووكیش داوایی هه‌ژماری ده‌نگه‌كان ده‌كرێت”.
