سبه‌ینێ په‌رله‌مانی عێراق كۆده‌بێته‌وه
بڕیارە سبەینێ پێنجشەممە، ٢٤ی٥ی٢٠١٨ ئەنجومەنی نوێنەرانی عێراق دانیشتنێكی نائاسایی لەبارەی هەڵبژاردنی خولی چوارەمی پەرلەمانی عێراق بەڕێوە ببات.
ئەشواق جاف، ئەندامی ئەنجومەنی نوێنەرانی عێراق، لە فراكسیۆنی پارتی دیموكراتی كوردستان رایگەیاند: “بەپێی ئەو ئاگاداركردنەوەیەی كە لە سەرۆكایەتیی پەرلەمانەوە بۆیان چووە، دانیشتنەكە كاتژمێر ٤ی ئێوارەی سەبینێ پێنجشەممە بەڕێوە دەچێت”.
بەپێی زانیارییەكانی (ئه‌شواق جاف) سبه‌ینێ لە دانیشتنەكەدا ئەو پێشێلكارییانە تاوتوێ دەكرێن كە لە پرۆسەی هەڵبژاردنی خولی چوارەمی ئەنجومەنی نوێنەرانی عێراقدا كراون.
به پێی زانیارییه‌كان ١٧٠ په‌رله‌مانتارله كوتله جیاوازه‌كان واژۆیان كۆكردووه‌ته‌وه و داوایان له ( سه‌لیم جبوری) سه‌رۆكی په‌رله‌مانی عێراق كردووه كه كۆبونه‌وه‌ی نائاساییان لەبارەی هەڵبژاردنی خولی چوارەمی پەرلەمانی عێراقەوە ئه‌نجام بدات.
