حكومه‌تی كوردستان و رووسنه‌فت دوو گرێبه‌ستی تریان واژوو كرد
ئه‌مرۆ هه‌ینی 25ی 5ی 2018 هه‌ردوولایانی ” رووسنه‌فت و وه‌زاره‌تی سامانه سروشتیه‌كانی كوردستان، دوو گرێبه‌ستیان واژوو كرد، ئه‌م واژووه‌ی گرێبەستەكان لە میانی كارەكانی كۆڕبەندی ئابووریی جیهانی لە ساینت پیترسبورگی رووسیا ئەنجام درا”.
به‌گوێره‌ی ئاژانسه هه‌واڵیه‌كانی رووسیا، گرێبەستەكان تايبه‌تن به گه‌شه‌پێدانى يه‌ده‌گى گازى سرووشتى و دامه‌زراندنى هێڵێكى گاز گوێزه‌ره‌وه لە هەرێمی كوردستان، هه‌ر بەپێی هەواڵێكی ئاژانسى هه‌واڵى رۆيته‌رزیش، رووس نەفت توێژينه‌وه‌ى ئه‌ندازه‌يى و ديزاينی سه‌ره‌تايى بۆ پرۆژه‌ى هێڵى گاز له هەرێمی كوردستان دەستپێكردووە”.
هه‌ر به‌گوێره‌ی ئاژانسی هه‌واڵی رووسیه‌كان، ئیگۆر سێچین بەڕێوەبەری گشتیی رووس نەفت دووپاتی كردووەتەوە كە كۆمپانیا زەبەلاحە رووسیەكە بەردەوام دەبێت لە پێشخستنی پەیوەندییەکانیان لەگەڵ هەرێمی کوردستان و كارەكانیان لە بواری نەوت و گاز لە كوردستاندا”.
