يابوونه وه يان سه ربه خۆيى

سەلام عەبدوڵڵا

لەسەر داوای‮ ‬فەرمیی‮ ‬سەرۆكوەزیرانی‮ ‬عێراق حەیدەر عەبادی،‮ ‬سەرۆكی‮ ‬هەرێمی‮ ‬كوردستان بە‮ ‬یاوەری‮ ‬شاندێكی‮ ‬باڵای‮ ‬فرە حزبی‮ ‬سەردانی‮ ‬بەغدای‮ ‬پایتەختی‮ ‬عێراقی‮ ‬فیدڕاڵی‮ ‬كرد‮.‬ دیارە ئەم سەردانەش بە ئاگاداری‮ ‬وڵاتە‮ ‬یەكگرتووەكانی‮ ‬ئەمریكا بووە،‮ ‬چونكە شەوی‮ ‬پێش سەردانەكە،‮ ‬جێگری‮ ‬سەرۆكی‮ ‬ئەمریكا جۆ بایدن،‮ ‬بە تەلەفۆن قسەی‮ ‬لەگەڵ سەرۆكی‮ ‬هەرێم كردووە و پشتیوانی‮ ‬ئەمریكای‮ ‬پێڕاگەیاندووە و هیوای‮ ‬سەركەوتنی‮ ‬بۆ خواستووە‮.‬

ئەم شاندەی‮ ‬كە‮ ‬یاوەری‮ ‬سەرۆك بارزانیان كردووە پێكهاتبوو جگە لە پارتی‮ ‬دیموكراتی‮ ‬كوردستان،‮ ‬لە هەریەك لە حزبی‮ ‬سۆسیالیست دیموكراتی‮ ‬كوردستان و‮ ‬یەكگرتووی‮ ‬ئیسلامی‮ ‬و هەردوو باڵی‮ ‬مەكتەبی‮ ‬سیاسی‮ ‬یەكیەتی‮ ‬نیشتمانی‮ ‬كە بریتی‮ ‬بوون لە بەڕێزان كۆسرەت رەسوول كە جێگری‮ ‬سەرۆكی‮ ‬هەرێم و هاوكات جێگری‮ ‬یەكەمی‮ ‬سكرتێری‮ ‬گشتیی‮ ‬یەكیەتی‮ ‬نیشتمانییە و ئەندامی‮ ‬مەكتەبی‮ ‬سیاسییە و بەڕێز مەلا بەختیار كە بەرپرسی‮ ‬دەستەی‮ ‬كارگێڕی‮ ‬مەكتەبی‮ ‬سیاسییە و لەلایەن سەرۆكوەزیرانی‮ ‬عێراق پێشوازییەكی‮ ‬گەرم كران كە زۆربەی‮ ‬هەرەزۆری‮ ‬كاربەدەستانی‮ ‬بەغدا تیایدا بەشدار بوون و ئەمەش لەهەموو كەناڵەكانی‮ ‬راگەیاندنەوە دەبینرا،‮ ‬كەچی‮ ‬هەندێك پەرلەمانتاری‮ ‬كورد دەیانوت ئەم شاندە شاندێكی‮ ‬پارتی‮ ‬یە‮!!.‬

ئەوە گرنگ نییە چونكە شاندەكە بۆ سێ پرسی‮ ‬زۆر گرنگ چووبوونە بەغدا ئەویش پرسی‮ ‬ئایندەی‮ ‬عێراق و شەڕی‮ ‬موسڵ و پەیوەندی‮ ‬نێوان هەرێم و بەغدا بوو لە داهاتوودا بەتایبەتی‮ ‬دوای‮ ‬شەڕی‮ ‬موسڵ هەروەك ئەمە بۆ‮ ‬یەكەمینجار بوو پرسی‮ ‬جیابوونەوە و سەربەخۆیی‮ ‬بە راشكاوی‮ ‬لەگەڵ بەغدا باس بكرێت كە پێوییستە بە دیالۆگ و ئاشتی‮ ‬چارەسەر بكرێت،‮ ‬چونكە لەماوەی‮ ‬نزیك لە سەدەیەكدا پێكەوە ژیان لەگەڵ حكوومەتی‮ ‬عێراق بە جیاوازی‮ ‬رژیمەكانیشەوە،‮ ‬سەركەوتوو نەبوو،‮ ‬بۆیە ئیدی‮ ‬كاتی‮ ‬ئەوە هاتووە كە ئەم پرسە لەوە زیاتر دوانەخرێت و لەگەڵ بەغدا وتووێژی‮ ‬لەسەر بكرێ و چارەسەرێكی‮ ‬ریشەیی‮ ‬بۆ پەیدا بكرێ كە بە دیدی‮ ‬شاندی‮ ‬كوردی‮ ‬خۆی‮ ‬لە سەربەخۆییدا دەبینێتەوە،‮ ‬بە مەرجێك بە شێوازێكی‮ ‬ئاشتی‮ ‬و شارستانییانە بەڕێوەبچێت‮.‬

لەراستیدا ئەمە جیابوونەوە نییە و دابڕانی‮ ‬پارچەیەك لە عێراق نییە وەك هەندێك پەرلەمانتاری‮ ‬عەرەب و هەندێك پەرلەمانتاری‮- ‬بەداخەوە‮- ‬كورد دەیانەوێ بەو شێوەیە پێناسەی‮ ‬بكەن،‮ ‬بەڵكوو ئەمە مافێكی‮ ‬سرووشتی‮ ‬گەلی‮ ‬كوردە كە دەیەوێت لەسەر خاكی‮ ‬مێژوویی‮ ‬خۆی‮ ‬بە سەربەخۆیی‮-‬ دوای‮ ‬سەرنەكەوتنی‮ ‬پێكەوەژیان‮- ‬بژی،‮ ‬ئەویش پاش ئەوەی‮ ‬كە راپرسییەكی‮ ‬سەرتاسەری‮ ‬لە هەرێم دەكرێ و گەل بڕیاری‮ ‬كۆتایی‮ ‬خۆی‮ ‬دەدات‮.‬ كورد لەمێژوویدا چاوی‮ ‬لە خاكی‮ ‬كەس نەبووە و هەوڵی‮ ‬داگیركردنی‮ ‬خاكی‮ ‬هیچ نەتەوەیەكی‮ ‬نەداوە و ئەوەی‮ ‬هەیە ئیدی‮ ‬دەیەوێ بە ئاشتی‮ ‬و ئاسوودەیی‮ ‬لەسەر خاكی‮ ‬خۆی‮ ‬دەوڵەتی‮ ‬خۆی‮ ‬بنیات بنێت و بە ئاشتی‮ ‬لەگەڵ دراوسێكانیدا،‮ ‬لەپێش هەموویانەوە عێراق بژی‮.‬