له‌یه‌ك هه‌فته سێ جار دانیشتنی په‌رله‌مانی عێراق هه‌ڵوه‌شایه‌وه
پەرلەمانی عێراق جارێکی دیکە نەیتوانی لەبارەی ئەنجامەکانی هەڵبژاردن نەیتوانی کۆببێتەوە و دانیشتنەکە بۆ رۆژی دووشەممە دواخرا.
سەلیم جبووری، سەرۆکی پەرلەمانی عێراق لە هۆڵی دا رایگەیاند “149 پەرلەمانتار ئامادەی دانیشتنەکە بوون. داواکارییش بۆ ئەنجامدانی دانیشتنی نائاسایی پەرلەمان، هەستکردنە بە بەرپرسیارێتی لەلایەن ئەندامی پەرلەمان بەمەبەستی راستکردنەوەی رێڕەوەکە”.
سەرۆکی پەرلەمانی عێراق، کە لە هەڵبژاردنی پەرلەمانی عێراقدا بۆ خولی نوێ دەرنەچووە، ئاماژەی بەوەشکرد، “بەهۆی نەبوونی رێژەی یاسایی ئامادەبوون، پەرلەمانی عێراق نەیتوانی کۆبێتەوە. تەواونەبوونی رێژەی یاساییش رێگری ناکات لەوەی پەرلەمان رێوشوێن بۆ بەهێزکردنی پرۆسەی هەڵبژاردن بگرێتەبەر و هەوڵەکانیش بەردەوامدەبن و سوپاسی ئەو پەرلەمانتارانەش دەکەین کە ئەمڕۆ ئامادەبوون”.
بۆ هەر دانیشتنێکی پەرلەمانی عێراق پێویستە 167 پەرلەمانتار ئامادەبن، ئەمڕۆ 160 پەرلەمانتار ئامادەبوون بەڵام لەکۆی ئەو 160 پەرلەمانتارە تەنیا 149 پەرلەمانتاریان واژۆی بەشداریکردنیان لە دانیشتنەکەدا کردبوو.
