پارتی: ئێمه بێ منه‌تین فه‌رموو به‌ده‌ست هه‌ژماری بكه‌ن
ئه‌مه بۆ جاری 50یه‌مینه پارتی دیموكراتی كوردستان بێ منه‌تی خۆی راگه‌یاندووه له هه‌ژمار كردنه‌وه‌ی ده‌نگه‌كان، ده‌لێـن، پارتی ھەر لەسەرەتاوە ھەڵوێستی ڕوون بووە و بێمنەتە لەوەی بەدەست دەژمێردرێتەوە. جەختیش دەکاتەوە، کە لە مووسڵ ستەمێکی زۆریان لێکراوە و کۆمسیۆن سەربەخۆ نییە”.
ئه‌ندامی سه‌ركردایه‌تی پارتی دیموكراتی كوردستان عه‌لی ته‌ته‌ر، له لێدوانێكدا رایگه‌یاند” ھەڵوەشاندنەوە بە چارەسەر نازانین، بەڵام پشتڕاستین بە پشتیوانی جەماوەرەکەمان بۆ لیستی ١٨٤، بۆیە لە ڕۆژی یەکەمەوە ئامادەییمان دەربڕی کە گومان لە ھەر شوێنێک یان سندووقێک دەکرێ، بەبێ ڕێگری لێکردن، با بەدەست بژمێردرێتەوە، ڕوونیشی کردەوە، کە پارتی لە ھەندێک شوێن بووتە قوربانیی ساختەکاریی و لە مووسڵیش دەنگێکی یەکجار زۆری لێڕۆشتووە، ئەوەش بەھۆی سیاسەتی حکوومەتی عێراق و ئەو کۆمیسیۆنە نا سەربەخۆیەی ئێستا ھەیە، ئاشکراشی کرد: ”ئەوان لەگەڵ ھەڵوەشاندنەوە نین“.
ئەندامەکەی سەرکردایەتیی پارتی باس لەوەش دەکات کە ڕێژەیەکی زۆر لە خەڵکی عێراق بەشدارییان لە ھەڵبژاردنی پەرلەمان کردووە، ئەگەر تەواوی ئەنجامەکان ھەڵبوەشێتەوە، ئەوا ئەمجارە ڕەنگە بەو ئاسانییە خەڵک نەچێت بۆ دەنگدان ئەوەش لە بەرژەوەندیی کەسدا نییە، بۆیە دەکرێت لەبری ھەڵوەشاندنەوە، بەدواداچوون بۆ بابەتەکە بکرێت”.
