له ناوچه سنوریه‌كانی نێوان باكور و باشوری كوردستان په‌كه‌كه دوو سه‌ربازی توركیای كوشت
دوای ئه‌وه‌ی به‌مه‌به‌ستی راوه‌دونیانی په‌كه‌كه له سنوره‌كان باشوری كوردستان, سوپای توركیا چه‌ندین كیلۆ مه‌تر سنوری باشوری كوردستان به‌زاند, جارجار رووبه‌رووبوونه‌وه‌ی سه‌ربازی له نێوان گه‌ریلاكانی په‌كه‌كه و سوپای توركیا روویداوه, ئه‌مڕۆ لەسەر سنووری نێوان عێراق و توركیا “باشوور و باكووری كوردستان” دوو سەربازی توركیا كوژران و سەربازێكیش بریندارە.
سەرۆك ئەركانی توركیا لە لێدوانێكدا ئاشكرایكرد، گەریلاكانی پارتی كرێكارانی كوردستان (پەكەكە) لەسەر سنووری عێراق و توركیا بە مووشەك ھێرشیان كردووەتە سەر سەربازانی توركیا و لە ئەنجامدا دوو سەرباز كوژراون و یەكێكی دیكەش بریندار بووە.
دوو رۆژ پێش ئێستا لەسەر سنووری عێراق سێ سەربازی دیكەی توركیا كوژران، ماوه‌یه‌كیشه سوپای توركیا، به بیانووی بوونی بنكه و باره‌گاكانی په‌كه‌كه له‌و ناوچه سنوورییانه، خاكی هه‌رێمی كوردستان به‌زاندووه.
فڕۆكه جه‌نگییه‌كانیش توركیاش ماوه ماوه گونده سنوورییه‌كان و بناری چیای قه‌ندیل بۆردومان ده‌كه‌ن.
پێشتر په‌كه‌كه به‌هۆی هه‌ڕه‌شه‌كانی توركیا له شنگال كشایه‌وه و هێزه‌كانی خۆی له‌سه‌ر سنووری نێوان هه‌رێمی كوردستان و توركیا كۆكردووه‌ته‌وه و له‌گه‌ڵ سوپای ئه‌و وڵاته له شه‌ڕدایه.
