سبه‌ینێ ئه‌نجومه‌نی پاڕێزگای هه‌ولێر كۆده‌بیته‌وه بۆبریاردان لە بارەی کەناڵە ناوخۆییەکان و نرخی بەنزین
بڕیارە رۆژی دووشەممە ٤-٦-٢٠١٨ کاژێر ١٠:٣ی به‌یانی ئەنجوومەنی پارێزگای ھەولێر لەبارەی بە کارتکردنی کەناڵە ناوخۆییەکان و “گرانبوونی” نرخی سووتەمەنی کۆببێتەوە.
ئه‌نجومه‌نی پارێزگای هه‌ولێر بریاره سبه‌ینێ دوو شه‌مه تاوتوێی راپۆرتێکی لیژنەی رۆشنبیری لەبارەی کەناڵە ناوخۆییەکان، ئەوەش دوای ئەوەی کۆمپانیای یونایتد میکس میدیا لە ١٩-٥-٢٠١٨ـەوە دەستی بە گۆڕینی سیستەمی پەخش لە شاری ھەولێر و سلێمانی بۆ شێوازی کۆد و کارت کردووە، ئەوەش وادەکات ھاونیشتمانییان بۆ تەماشاکردنی ئەو کەناڵە ناوخۆییانە ئامێرێک بە ٣٩ ھەزار دینار بکڕن و مانگانەش کارت بکڕن (کە چوار جۆرن و نرخەکانیان لەنێوان شەش ھەزار بۆ ٣٦ ھەزار دینارە).
یونایتد میکس میدیا تاوەکو ئێستا پەخشی ٤٠ کەناڵ بوونەتە کارت، بەڵام ئەوە تەنیا کۆمپانیا نییە کە پەخشی ئەو کەناڵە ناوخۆییانە بکات، بەڵکو کەناڵی ئای ستار-یش ھەیە کە ھێشتا کەناڵەکانی نەکردووەتە کارت و پەخشی ٥٦ کەناڵی بەخۆڕایی ھێشتووەتەوە.
