چه‌ند تایبەتمەندییەكی مانگی ڕەمەزانى پیرۆز بزانه.
مانگی ره‌مه‌زان مانگێكی پڕ خێر و به‌ره‌كه‌ته‌وه و مرۆڤی رۆژوه‌وان، پێویسته له كاتی به ڕۆژووبوونی زۆر شت بزانێت و چه‌ندین تایبه‌ت مه‌ندی هه‌یه له‌م مانگه پیرۆزه كه تا ئێستا ره‌نگه نه‌زاندرابێت.”
تایبتمه‌ندییه‌كان بریتین له:-
١- بەرۆژوو بوونی مانگی ڕەمەزان یەکێكە لە پایەکانی ئیسلام.
٢- قورئانی تێدا دابەزیوە.
٣- شەوی قەدری تێدایە کە لە هەزار مانگ خێرترە.
٤- بەرۆژوو بوونی ئەم مانگە هۆکارێکە بۆ لێخۆش بوونی هەموو تاوانەکانی رابردووت.
٥- دەرگاکانی بەهەشتی تێدا دەکرێتەوە و دەرگاکانی دۆزەخی تێدا دادەخرێت.
٦- لە هەموو شەوێکی ئەم مانگەدا خوای بەرز گەردنی کۆمەڵە کەسانێك لە ئاگری دۆزەخ ئازاد دەکات.
٧- ئەنجامدانی شەو نوێژی ئەم مانگە دەبێتە هۆی لێخۆش بوونی تاوانەکانی رابردووت.
٨- هەر کەسێك لەگەڵ ئیمامدا نوێژی تەراویح ئەنجام بدات تاوەکو ئیمام لێ دەبێتەوە ئەوا وەکو ئەوە وایە کە تاوەکو بەیانی خەریکی شەو نوێژ بووبێت.
٩- عومرە کردن لەم مانگە خێری حەجێکی هەیە کە لەگەڵ پێغەمبەر – صلى الله علیه وسلم – ئەنجامت دابێت.
١٠- سوننەتە اعتکافی تێدا ئەنجام بدەیت.
١١- سوننەتە قورئانی زۆر تێدا بخوێنیت.
١٢- هەر کەسێك خواردنی رۆژووانێك بدات ئەوا خێری رۆژووی ئەو کەسەی بۆ دەنووسرێت بەبێ ئەوەی لە پاداشتی ئەویش کەم ببێتەوە.
