گوتەبێژی هۆزە عەرەبەکان: ئەمریکا پێی ڕاگەیاندین لە شنگاڵ دەمێنینەوەو هێزەکانمان زیاد دەکەین

موزاحم ئەحمەد حوێز گوتەبێژى هۆزە عەرەبەکانى پارێزگاى نەینەوا گوتی “بەراوێژکردن لەگەڵ هۆزە عەرەبەکانى ناوچە سنوورییەکانى نێوان عێراق و سووریا، ئەمریکا هێزێکى لە لوتکەى چیاى شنگال جێگیر کردووە، لەو رێگەیەوە دەیەوێت تەواوى سنوورى نێوان عێراق و سووریا بخاتە ژێر کۆنتڕۆڵى خۆى و پێیان ڕاگەیاندین هێزەکانمان زیاد دەکەین و لە شنگاڵ جێگیر دەبین”.

حوێت لە لێدوانێکى بۆ ئاژانسى هەواڵی (ئانادۆڵو)ی توركی رایگەیاندووە كە ئەمریکا پێش ئەوەى هێز بنێرێتە سەر چیاى شنگال، راوێژى بە هۆزە عەرەبەکانى سنوورى پارێزگاى نەینەوا، ئەنبار و قەزاى شنگال لە عێراق کرد، لە سووریا ژمارەیەکى زۆر لە هۆزە عەرەبەکان راوێژیان پێکراوە. ئێمە وەکو هۆزە عەرەبەکانى ناوچەکە داواکارین دروستکردنى بنکەى سەربازى ئەمریکى لەسەر چیاى شنگال و هەبوونى هێزێکى ئەمریکى لە سنوورەکە رێگر بێت لەو هەموو پێشێلکارییانەى پەکەکە و حەشدى شەعبى بەرامبەر خەڵکى ناوچەکە ئەنجامى دەدەن.

لەبارەى وردەکارى زیاتر لەسەر هێزە ئەمریکییەکەى شنگالیش دەڵێ “هێزەکەى ئەمریکا بەردەوام لە زیادبوونە و تا ئێستە ژمارەیان نزیکەى ١٥٠ کەس دەبێت و بە کاروانێکى ٢٠ ئۆتۆمبێلى گەیشتوونەتە جێ، بەشى زۆریان راوێژکارى سەربازین، ئەوەى لە پلانى ئەواندایە جێگیربوونیانە لە تەواوى سنوورى نێوان عێراق و سووریا کە لە رۆژئاواى شنگالەوە دەست پێدەکات تا دەگاتە قەزاى بەعاجى سەر بە پارێزگای نەینەوا و ناوچەکانى ئوم زیبان و ئوم جڕیس لە سنوورى هەمان قەزا و، تەواوى بیابانەکانى سنوورى پارێزگاى ئەنبار دەگرێتەوە، کاتى مانەوەشیان کراوەیە لە سنوورەکە”