مه‌سرور بارزانی چەند نهێنیەك لەسەر شەڕی موسڵ ئاشكرا دەكات
خواكوڕك
مه‌سرور بارزانی، راوێژكاری ئه‌نجوومه‌نی ئاسایشی هه‌رێمی كوردستان، له چوارچێوه‌ی راپۆرتێكی كه‌نالی “سكای نیوز”ی به‌ریتانی رایگه‌یاند، ئه‌و ناوچانه‌ی ئێستا له ژێر كۆنتڕۆڵی هێزی پێشمه‌رگه‌ی كوردستانن، ناوچه‌ی كوردستانیین و پێشمه‌رگه لێیان ناكشێته‌وه.هه‌روه‌ها گوتی: “هیچ هۆیه‌ك نییه بۆ ئه‌وه‌ی پێشمه‌رگه جێیان بهێڵێت و بكشێته‌وه”.
له وه‌ڵامی پرسیارێكی كه‌ناڵه‌كه، سه‌باره‌ت به ئۆپه‌راسیۆنی كۆنتڕۆڵكردنه‌وه‌ی موسڵ، مه‌سرور بارزانی گوتی: “شه‌ڕی موسڵ سه‌خت ده‌بێت، به گوێره‌ی ئه‌و زانیارییانه‌ی له‌به‌رده‌ستن داعش ده‌یه‌وێت به‌رگری بكات و تونێلی زۆری له شاره‌كه لێداوه”.
