سەفین دزەیی: بۆ ئەوەی بۆشایی یاسایی دروست نەبێت، دەبێ ھەڵبژاردن ئەنجامبدرێت
بڕیاره هه‌ڵبژاردنی په‌رله‌مانی كوردستان له٣٠ی٩ی٢٠١٨ به‌ڕێوه بچێت و بۆ ئه‌و مه‌به‌سته‌ش كۆمسیۆن ده‌ستی به ئاماده‌كاری كردووه.
سەفین دزەیی، گوتەبێژی حکوومەتی هەرێمی کوردستان رایگەیاند: “وادەی یاسای ھەڵبژاردنی كوردستان تەواو دەبێت و بەپێی یاسا دەبێ ھەڵبژاردن بكرێت، وادەی ھەڵبژاردنیش لەلایەن سەرۆكایەتی حكوومەتی ھەرێمی كوردستان دیاركراوە و وادەیەكی گونجاوە”.
لەبارەی دواخستنی وادەی ھەڵبژاردنی په‌رله‌مانی كوردستان كه بریاره ٣٠ی ئه‌یلولی ئه‌مساڵ به‌رێوه بچێت،گوتەبێژی حکوومەتی هەرێمی کوردستان گووتی :” وابزانم سەرۆكی حكوومەتیش ناتوانێ بڕیاری دواخستنی ھەڵبژاردن بدات، چونكە لە دوو خولی پەرلەمان كە درێژكرابووەوە كۆتایی پێدێت، ئەوكاتە بۆ ئەوەی بۆشایی یاسایی دروست نەبێت، دەبێ ھەڵبژاردن ئەنجامبدرێت”.
