یه‌كێتی پاكانه بۆ توركیا خۆی بێبه‌ری له په‌كه‌كه ده‌كات
پاش ئەوەی وەزیری دەرەوەی تورکیا یەکێتیی نیشتمانیی کوردستان تۆمه‌تباركرد به یارمەتیدانی پارتی کرێکارانی کوردستان (پەکەکە) ئێستا یەکێتی لەپێناو ڕازیکردنی تورکیا، خۆی لە پەکەکە بێبەری دەکات .
ساڵانێكه میدیای فه‌رمی و نافه‌رمی یەکێتیی نیشتمانیی کوردستان ، بە شێوەی ئاشکرا و وەک شانازیکردن، باس لە هاریکاریکردنی پەکەکە ده‌كه‌ن ،ناوبه‌ناویش له ڕێگه‌ی گوتاری توندوئاگرینه‌وه بونه‌ته ئاگرخۆشكه‌ری نێوان كوردو تورك ،هه‌ندێكجاریش باس له گواستنه‌وه‌ی چه‌ك و كه‌ره‌سته‌ی سه‌ربازی ده‌كه‌ن بۆ په‌كه‌كه به‌مه‌به‌ستی هه‌لگیرساندنی ئاگری شه‌ڕو توندوتیژی .
ەڵام دوای ئەوەی لە چەند ڕۆژی ڕابردوودا، مەولوود چاویشئۆغڵوو وه‌زیری ده‌ره‌وه‌ی توركیا ئاشکرای کرد کە زانیارییان لەسەر یارمەتیدانی پەکەکە لەلایەن یەکێتی هەیە و وه‌زیرێكی یه‌كێتیش هه‌ندێك زانیاری بۆ وه‌زیری ده‌ره‌وه‌ی توركیا ئاشكرا كردووه كه یه‌كێتی هاوكاری و یارمه‌تی په‌كه‌كه ده‌كات .
ئێوارەی ڕۆژی چوارشەممە ٦ی٦ی٢٠١٨ سەعدی ئەحمەد پیرە، ئەندامی مەکتەبی سیاسی و گوتەبێژی فەرمیی یەکێتی، لە میانی پێشوازیکردنی لە ھاکان قەرەچای، کونسوڵی گشتیی تورکیا لە ھەرێمی کوردستان، جگە لە بێبەری کردنی یەکێتی لە پەکەکە، سەرسوڕمانی و نیگەرانی یه‌كێتی نیشان داوە، بەرامبەر بە لێدوانەکانی وەزیری دەرەوەی تورکیا ”کە یەکێتی تۆمەتبار دەکات بە یارمەتیدانی پارتی کرێکارانی کوردستان – پ.ک.ک).
شایه‌نی ئاماژه پێدانه به‌هرۆز گه‌ڵاڵی نوێنه‌ری یه‌كێتی له ئه‌نقه‌ره مانگی 3ی ئه‌مساڵ نامه‌یه‌كی ئاراسته‌ی هه‌ریه‌ك له كۆسره‌ت ره‌سوڵ عه‌لی جێگری یه‌كه‌می سكرتێری یه‌كێتی و هێرۆ ئیبراهیم ئه‌حمه‌د ئه‌ندامی مه‌كته‌بی سیاسی و سه‌ركردایه‌تی حزبه‌كه‌ی كرد ،له نامه‌كه‌یدا نوێنه‌ری یه‌كێتی له ئه‌نقه‌ره نوسیویه‌تی و ده‌ڵێت :” توركیا نیگه‌رانه له یه‌كێتی ،چونكه یه‌كێتی ده‌عمی په‌كه‌كه ده‌كات و ئه‌مه‌ش زه‌نگێكی ترسناكه‌و ئه‌نجامی لێدوانی هه‌ندێك كه‌سی ناو یه‌كێتی یه كه له ته‌له‌فیزیۆنه‌كانه‌وه به‌رژه‌وه‌ندی یه‌كێتی و ناوچه‌كه‌یان خستووه‌ته مه‌ترسییه‌وه “.
