شاخه‌وان عه‌بدوڵا بۆ گۆران ده‌ك شه‌رمه‌زاربن
شاخەوان عەبدوڵا ئه‌ندامی ئه‌نجومه‌نی نوێنه‌رانی عێراق له فراكسیۆنی پارتی دیموكراتی كوردستان له تۆڕی كۆمەڵایەتی فەیسبووك له هه‌ژماری تایبه‌تی خۆی لەژێر ناونیشانی “دەك شەرمەزاربن” نوسینێكی بڵاوكردووه‌ته‌وه‌و ده‌لێت:” دەمەوێت ئەوە بڵێم کە ئێمە وەکو پارتی دیموکراتی کوردستان هیچ کێشەیەکمان لەوەدا نییە کە ئەگەر پەرلەمانی عێراق یان کۆمسێون یان هەرجیهەتێک بۆ ئەوەی دڵنیای بەسەرجەم لایەنەکان بدات دەنگەکان جارێکی تر بەدەست حساب بکرێت ، بەڵام ئەوە بە تاوانێکی گەورە دەزانین پەرلەمان لەدەرەوەی دەسەڵاتی یاسا دانان و چاودێری بێت جێگای دادگا بگرێتەوەو بێت دەنگەکانی ئاوارەکان و پێشمەرگە و دەرەوە رەشبکاتەوە ، کە ئەمە پێچەوانەی مادە ٤ بڕگە ٥ لەیاسای ژمارە ١١ی ساڵی ٢٠٠٧ ی کۆمسێۆنە کە ئەو دەسەڵاتەی داوە بە دەستەی دادوەری تەمیز بۆ ئەوەی ئەگەر لە جێگایەک تەزویر کرا ئەو سندوقە رەشبکاتەوە “.
له به‌شێكی تری نوسینه‌كه‌یدا شاخه‌وان عه‌بدوڵا نوسیویه‌تی ” ئەوەی مایەی نیگەرانییە تۆ بێیت دەنگی سەرجەم پێشمەرگە رەشکەیتەوە بەبێ ئەوەی لێگۆڵینەوە بکەیت کە تەزویر کراوە یان نە ئەمە وێڕای ئەوەی پێچەوانەی یاسایە و تاوانێکی گەورەیە ،ئەوەی زۆر نیگەرانمی کرد لەو بابەتە دوای پەیوەندی کردن بە لیژنەی ئاسایش و بەرگری و لیژنەی یاسای پەرلەمان ئەوەیان رونکردوە کە بزوتنەوەی گۆڕان خاوەن پرۆژەی رەشکردنەوەی دەنگەکانی پێشمەرگەیە و بەڵگەکانم بەدەست گەیشتووه”.
له كۆتاییدا ئه‌و ئه‌ندامه‌ی ئه‌نجومه‌نی نوێنه‌رانی عێراق له فراكسیۆنی پارتی ده‌ڵێت:” نازانم گۆڕان جارێک پێشمەرگە دەکەن بە میلیشیا جارێک دەیکەن بە ئەنفالچی جارێک رێگری دەکەن لەسەر ئەوەی بودجە بۆ ١٠٠ هەزاریان لە بەغدا دابین بکرێت وتان ئەوە هێزی حزبی یە هی کورد نییە ئەمجارەش بەتەزویر چی ناویان دەبەن ، پێم وایە دەبێت ئیتر سنورێکتان بۆدابنرێت لەوە زیاتر سوکایەتی بە پێشمەرگەو کورد نەکەن “.
هه‌وه‌رها ده‌شڵێت:” ئه‌و وێنه‌یه پەرلەمانتار ئەمین بکرە داوا لە پەرلەمانتارێکی شیعە دەکات دەنگی پێشمەرگە بسوتێنن بە ڤیدێۆ لامە”.
خواكوڕك وێنه‌كه‌ی ئه‌مین به‌كر په‌رله‌مانتاری گۆرانی له خواره‌وه داناوه .
