سلێمانی چه‌ند چه‌كدارێكی ده‌مامكدار ٦٠ ده‌فته‌ر دۆلار له خاوه‌ن نوسینگه‌یه‌كی ئاڵوگۆری دراو ده‌دزن
له‌شاری سلێمانی له نزیك ته‌رمیناڵی شاره‌زور له‌لایه‌ن چه‌ند چه‌دارێكی نه‌ناسراو ده‌مامكدار بڕی (٦٠) ده‌فته‌ر دۆلار واته (٦٠٠,٠٠٠) هه‌زار دؤلارله كورێكی (حاجی حه‌بیب)خاوه‌ن نوسینگه‌ی بێباك بۆ ئاڵوگۆڕی دراو ده‌سه‌ندرێت .
حاجی حه‌بیب خاوه‌نی نوسینگه‌ی بیباك گوتی :” له‌به‌ر ئه‌وه‌ی چه‌كداره‌كان ده‌مامكدار بوون نه‌ناسراونه‌ته‌وه و تائێستاش هیچ كه‌سێك به‌و تۆمه‌ته ده‌ستگیرنه‌كراوه”.
لای خۆشیه‌وه جه‌بار گۆران به‌ڕێوبه‌ری كۆمپانیای فه‌ره‌یدون ده‌ڵێت:” چوار ساڵ له‌مه‌وبه‌ر كۆمه‌ڵێك بازرگان بۆ ئاڵوگۆڕی دراو ئوتۆمبێلێك ڕێگه‌ی پیگرتن و پاره‌یه‌كی زۆریان لێسه‌ندرا ئه‌م جۆره ڕوداوانه پێشتر له شاری هه‌ولێر ڕویانداوه ،به‌ڵام تاوانباران ده‌ستگیر كراون و به سزای خۆیان گه‌یه‌نراون “.
ده‌زگا ئه‌منیه‌كانی شاری سلێمانی تا ئێستا هیچ كه‌سێكیان په‌یوه‌ست به‌م ڕووداوه ده‌ستگیر نه‌كردووه‌و ئاماده‌ش نین هیچ لێدوانێك تایبه‌ت به‌م تاوانه بده‌ن و بێده‌نگیان هه‌لبژاردووه .
مافیاكانی شاری سلێمانی ده‌سه‌ڵاتی ئه‌منی و یاساییان له‌پشته‌وه‌یه وتائێستا سنورێكیان بۆ دانه‌نراوه ،سه‌رباری په‌لاماردان و چه‌ته‌گه‌ری و هه‌ڵكوتانه سه‌رخه‌لك ده‌ستیان به‌سه‌ر مولك و ماڵی خه‌لك و گشتیشدا گرتووه،دواتر له رێگه‌ی یاساییه‌وه مامه‌ڵه‌ی كرین و فرۆشتن به‌سه‌ر مولك و ماڵی داگیرکراودا ده‌كه‌ن .
