دوای 11 رۆژ له بێ سهروشوێنكردنیان پەكەكە سێ گەنجەكەی شارەدێی وەرتێ ئازاد دەكات
![](https://xwakurk.com/wp-content/uploads/2018/06/1-57.jpg)
دوای 11 رۆژ له دەستگیركردنی سێ گەنجی دانیشتووی شارەدێی وەرتێی سەر بە قەزای رواندز لەلایەن ھێزەكانی پارتی كرێكارانی كوردستان (پەكەكە) ئەمڕۆ ئازاد كران.
سهرچاوهیهك له بهڕێوهبهرایهتی ناحیهی وهرتێ رایگەیاند: “دوای هەوڵ و کۆششی زۆری کەسوکاریان و دەزگا ئیداری و ئەمنییەکانی ناوچەكە، ئەمڕۆ سێشەممە ئەو سێ گەنجەی دانیشتووی شارەدێی وەرتێ كە لەلایەن ھێزەكانی پەكەكە دەستگیركرابوون ئازادكران”.
ههروهها (خواكوڕك) له سهرچاوهیهك دهستی كهوتووه: “پێش ئازادکردنیان پەکەکە بەڵێننامەی بەو گەنجانە واژووکردووە کە نابێت بەهیچ جۆرێك زانیاری دەربارەی دەستگیرکردن و لێکۆڵینەوەو ئەو شوێنەی لێی بەندکرابوون بۆ دەزگاکانی راگەیاندن ئاشکرا بکەن”.
:ههروهها (خواكوڕك) زانیویهتی “ئەو سێ هاووڵاتییە لەیەکێك لە زیندانەکانی پەکەکە لەبناری قەندیل زیندانی کرابوون و لێکۆڵینەوەیان لەگەڵ کراوە”.
ئێوارەی رۆژی شەممە 2/6/2018 سێ هاووڵاتی شارەدێی وەرتێی سەر بە قەزای رواندزی كە لە تەمەنی گەنجیەتی دان بەناوەكانی، عومەر عەبدوڵڵا مەحموود، لە دایكبووی ساڵی 1995 و هەڵگورد حەمەدەمین عەبدوڵڵا، لەدایکبووی ساڵی 1995 و دانا خدر هەمزە، لەدایکبووی ساڵی 1998، بۆ ھێنانی قارچك چوونە بوونە كوێستانی چیای كارۆخ، لەوێ لەلایەن ھێزەكانی پەكەكە دەستگرکران و دوای چەندین جار داوای كەسوكاری و ھەوڵی دەزگا ئەمنی و ئیدارییەكانی سنوورەكە، ئەمڕۆ ئازادكران.