یه‌كێتی رێگره له هه‌ڵوه‌شاندنه‌وه‌ی پاشه‌كه‌وتی مووچه
به‌گوێره‌ی زانیاریه‌كانی ده‌ستی خواكوڕك كه‌وتووه، یه‌كێتی نیشتمانی بریاری دابوو دوای هه‌ڵبژاردن پرۆژه یاساكه تێپه‌رێنرێت، به‌ڵام له‌ئێستادا یه‌كێتی هه‌وڵی په‌كخستنی پرۆژه یاساكه ده‌دات، كه به‌نایاسایی كادیر و لایانگرانی ئه‌م حزبه مووچه له حكومه‌ت وه‌رده‌گرن، به‌رپرسێكی حكومه‌تی هه‌رێمی كوردستانیش ده‌لێت، ناتوانین پاشه‌كه‌وتی مووچه هه‌ڵوه‌شێنینه‌وه”.
هه‌ر به‌گوێره‌ی زانیاریه‌كانی ده‌ستی خواكوڕك كه‌وتووه” بەهۆی ئەوەی لە دەرکردنی یاسای چاکسازی لە مووچە و خانەنشینیدا، مووچەی خانەنشینیی بەشێکی زۆر لە کادیرانی یەکێتی دەبڕدرێت، ئەو حزبە پڕۆژەیاسای چاکسازی پەک خستووە و ڕێگە نادات یاساکە دەربکرێت”.
ئه‌مه‌ش له‌كاتێكدایه كه پێشتر چەندان جار، بەرپرسانی حکوومەتی هەرێمی کوردستان ئەوەیان ڕاگەیاندووە کە ئەگەر پڕۆژە یاسای چاکسازی لە مووچە و خانەنشینی لە پەرلەمانی کوردستان دەربکرێت، ئەوا پاشەکەوتی مووچە بە تەواوی کۆتایی دێت و ملیارەها دینار بۆ خەزێنەی گشتیی حکوومەت دەگەڕێتەوە”.
له‌و باره‌یه‌وه محموود سه‌نگاوی هه‌موو شتێك ئاشكرا ده‌كات و رایده‌گه‌ێنێت”دەرکردنی ئەو یاسایە گەورەترین مەترسییە بۆ یەکێتی، چونکە مووچەی هەزاران کادیری یەکێتی لەسەر لیستی خانەنشینییە و بە بڕینی مووچەی خانەنشینانی نایاسایی، مووچەی هەزاران کادیری یەکێتی دەبڕێت.
