بالیۆزی نیازپاكی نه‌ته‌وه‌یه‌كگرتووه‌كان: هه‌رێمی كوردستان نمونه‌ی پاراستن و پیكه‌وه‌ژیانه
ئه‌مرۆ یه‌ك شه‌ممه 17ی 6ی2018 ئه‌نجلینا جۆلی بالیۆزی نیازپاكی نه‌ته‌وه یه‌كگرتووه‌كان گه‌یشته هه‌رێمی كوردستان و سه‌ردانی كه‌مپی دۆمییزی له شاری دهۆك كردو له نزیكه‌وه بارودۆخی ئاواره‌كانی رۆژئاوای كوردستان و موسڵی له كه‌مپی دۆمییز بینی و دواتر سه‌ردانی چه‌ند ماڵێكی كرد.
ئەنجێلینا جۆلی، ئەکتەری بەناوبانگی ئەمەریکی و باڵیۆزی نیازپاکیی نەتەوە یەکگرتووەکان. حکوومەتی هەرێمی کوردستان بە نموونە بۆ پێكه‌وه ژیان و پاراستنی پەنابەران ناو دەبات. لە سێیەم سەردانیدا بۆ کەمپی پەنابەرانی دۆمیز، جۆلی داوا دەکات چارەسەرێکی سیاسی بۆ قەیرانەکانی رۆژهەڵاتی ناوەڕاست بدۆزرێتەوە تا کۆتایی بە مەینەتی پەنابەران بێت.
لە كۆنگرەیەكی رۆژنامەوانیدا لە كەمپی دۆمیز ئەنجێلینا جۆلی رایگه‌یاند: “لەم سەردانەمدا وەك هەمیشە شکۆ و دانبەخۆداگرتن و میهرەبان و بەخشەندەیی خەڵکی رۆژهەڵاتی ناوەڕاست لە بیرمدا ژیایەوە. سوپاسی خەڵکی عێراق دەکەم بۆ بەخشەندەییان بەرامبەر پەنابەرانی سووری و ئاوارەکان. بەتایبەتی سوپاسی حکوومەتی هەرێمی کوردستان دەکەین، کە بووەتە نموونە بۆ پاراستنی پەنابەران”.
بالیۆزی نیازپاكی نه‌ته‌وه‌یه‌كگرتووه‌كان گووتیشی: “رۆژی سیشەممە داتای نوێ لەسەر ژمارەی ئاوارەکان و ماوەی ئاوارەییان بڵاودەکرێتەوە، ژمارەکە زیاتربووە. لەکاتێکدا کە چارەسەری سیاسی هەر بوونی نییە. ئەمەش بۆشاییەکی دروست کردووە کە بە هاوکاریی مرۆیی پڕناکرێتەوە. تاکە چارەسەر ئەوەیە شەڕ کۆتایی بێت و هەموو حکوومەتەکان بەرپرسیارێتی خۆیان وەربگرن”.
