راگەیێندراوێک له لیژنەی ئەمنی پارێزگای هەولێر
دوای ئه‌وه‌ی له چه‌ند رۆژی رابردوو چه‌ند حاڵه‌تێكی كوشتن له‌ن هه‌ولێر روویاندا, لیژنەی ئەمنی پارێزگای هەولێر راگەیێندراوێکی لەبارەی پێشێلکارییەکانی ئەم چەند رۆژەی رابردوو بڵاوکردەوە و رایدەگەیێنێت، باری سەقامگیریی پایتەخت پارێزراوە و رێکاری یاسایی بەرامبەر هەموو تاوانباران و پێشێلکارانی یاسا وەردەگرین و دەیاندەین بە دادگا.
له راگه‌یێندراوه‌كه‌ی لیژنەی ئەمنی پارێزگای هەولێردا هاتووه “تێبینی دەکرێت لەم رۆژانەی دواییدا هەندێک رووداوی کوشتن و پێشێلکردنی یاسا لە شاری هەولێر بەدیکراوە و بۆ ئەم مەبەستە هاووڵاتیانی شاری هەولێر دڵنیادەکەینەوە کە باری سەقامگیریی پایتەخت پارێزراوە و رێکاری یاسایی بەرامبەر هەموو تاوانباران و پێشێلکارانی یاسا وەردەگرین و دەیاندەین بە دادگا”.
لە بەشێکی دیکەی راگەیێندراوەکەدا لیژنەی ئەمنی پارێزگای هەولێر سوپاسی بەردەوامی خەڵکی دەکات و رایدەگەیێنێت ” داوا لە هاووڵاتیان دەکەین هاوکاری زیاترمان بکەن و هەرکەسێک بەبێ مۆڵەت چەک هەڵبگرێت سەرەڕای ئەوەی چەکەکەی دەستی بەسەردادەگیرێت خۆشی دووچاری رێکاری یاسایی دەبێتەوە و دەدرێتە دادگا”.
لەبەشێکی دیکەی راگەیێندراوەکەدا ئاماژە بەوەکراوە کە، هەر کەسێک ئۆتۆمبێلی بێ تابلۆ لێبخوڕێت دەست بەسەر ئۆتۆمبێلەکەیدا دەگیرێت و رێکاری یاسایی بەرامبەر دەکرێت.
ده‌قی راگه‌یێندراوه‌كان
