هەدەپە داوای یاسایی لەسەر وەزیری ناوخۆی تورکیا تۆمارکرد، لەبەرامبەر هەڕەشەی کوشتن لە پەروین بوڵدان

دوای ئەوەی  سلێمان سۆیلو وه‌زیری ناوه‌خۆی توركیا هه‌ڕه‌شه‌ی كوشتنی له‌ په‌روین بوڵدان هاوسه‌رۆكی هه‌ده‌په‌کرد، پارتی دیموكراتی گه‌لان (هه‌ده‌په‌)ی باكووری كوردستان، به‌فه‌رمی داوای یاسایی له‌سه‌ر وه‌زیری ناوه‌خۆی توركیا تۆمار كرد.

سوله‌یمان سۆیلو وه‌زیری ناوه‌خۆی توركیا، په‌یوه‌ندییه‌كی ته‌له‌فۆنی له‌گه‌ڵ په‌روین بوڵدان كردووە و هه‌ڕه‌شه‌ی لێ كردووە كە خراپی به‌سه‌ر دێنێت، هه‌روه‌ها پێی گوتووە ئیتر ئێوه‌ مافی ئه‌وه‌تان نییه‌ بژین و تیرۆریستن.

هه‌ده‌په‌ به‌فه‌رمی له‌ دادگای كۆماری توركیا داوای یاسایی له‌سه‌ر سۆیلو تۆمار كرد. له‌ داواكه‌دا هاتووه‌ كه‌ سۆیلو به‌ئه‌ركی خۆی هه‌ڵنه‌ستاوه‌ وه‌كو وه‌زیری ناوه‌خۆ، به‌ڵكو به‌ئاشكرا هه‌ڕه‌شه‌ی كوشتنی له‌ هاوسه‌رۆكی پارتەكە كردووه‌.

لای خۆیه‌وه‌ سیزار سه‌زگین ئه‌ندام په‌رله‌مانی جه‌هه‌په‌ له‌ كۆنگره‌یه‌كی رۆنامه‌وانیدا ره‌خنه‌ی توندی له‌ سۆیلو گرت و ئاماژه‌ی دا كە ئه‌و هه‌موو كاره‌ نایاساییانه‌ بۆیه‌ ده‌كات تا ره‌جه‌ب ته‌ییب ئه‌ردۆغان له‌ كابینه‌ی داهاتوو بیكاته‌وه‌ به‌ وه‌زیری ناوه‌خۆ.