بۆ پێکهێنانی شاندی هاوبەش بۆ بەغدا، سبەی مەکتەبی سیاسيی پارتی و یەکێتی لە هەولێر کۆدەبنەوە

سەعدی پیرە، گوتەبێژ و ئەندامی مەکتەبی سیاسی یەکێتیی نیشتمانی كوردستان ڕایگەیاند: ”نیوه‌ڕۆی سبه‌ی چوارشەممە (4-7-2018) مەکتەبی سیاسی یەکێتیی و پارتی لە هەولێر کۆدەبنەوە و لەبارەی ناردنی شاند بۆ بەغدا گفتوگۆ دەکەن“.

ڕوونیشی کردەوە، کە کۆبوونەوەکەیان سه‌باره‌ت به‌ بەغدا دەبێت، کە چیبکەن و چۆن شاند بڕوات هەروەها چۆن هاوکاری یەک بکەن، ئاحۆ چاوەڕێی لایەنەکان بکەن یان نا.

گوتیشی: “یەکێتی و پارتی لایەنی ناردنی شاندی هاوبەشن بۆ بەغدا، چونکە بابەتێکە پەیوەندی بە ئاماده‌یی نەتەوەیی و نیشتمانی کوردییەوە هەیە”.

لەبارەی ئەوەی ئاخۆ لە کۆبوونەوەی سبەی بابەتی هەڵبژاردنی پەرلەمانی کوردستان باس دەکرێت؟ گوتەبێژی یه‌كێتی گوتی: ”نەخێر، چونکە بابه‌تێكی نوێ له‌ ئارادا نییه‌ تا باسی بکەین”