نوسینگه‌ی ڕاگه‌یاندنی فازل میرانی نوسراوه ساخته‌كه به درۆ ده‌خاته‌وه
ئه‌مڕۆ له تۆڕه كۆمه‌ڵايه‌تييه‌كان، نووسراوێكى ده‌ستنووس بڵاوكراوه‌ته‌وه، گوايه نوێنه‌رى پارتى و چه‌ند لايه‌نێكى ديكه رێككه‌وتنيان كردووه و پارتى و سه‌رۆك بارزانی داواى وه‌رگرتنى پۆستى سه‌رۆك كۆمارى كردووه.
له‌و باره‌یه‌وه نووسينگه‌ى راگه‌ياندنى فازڵ ميرانى، سكرتێرى مه‌كته‌بى سياسى پارتى ديموكراتى كوردستان، له راگه‌يه‌ندراوێكدا ره‌تيكرده‌وه، ئه‌و نووسراوه هيچ بنه‌مايه‌كى هه‌بێت.
له راگه‌يه‌ندراوه‌كه‌ی نوسینگه‌ی ڕاگه‌یاندنی فازڵ میرانی دا هاتووه: بۆ رايگشتى روونيده‌كه‌ينه‌وه، ئه‌و به‌ڵگه‌نامه‌يه ساخته‌يه و هيچ راستييه‌كى تێدا نييه و ئه‌وه شێوازێكى بێ ئه‌رزشه بۆ راوكردن له ئاوى لێڵدا.
هه‌روه‌ها راگه‌یه‌نراوه‌كه‌ی نوسینگه‌ی فازل میرانی ده‌شڵێت : به شێوه‌يه‌كى بنبڕانه ئه‌و چه‌واشه‌كارى و هه‌واڵه هه‌ڵبه‌ستراوه له بنه‌ڕه‌تييه‌وه ره‌تده‌كه‌ينه‌وه و داواش له لايه‌نه په‌يوه‌نديداره‌كان ده‌كه‌ن، لێكۆڵينه‌وه بكه‌ن بۆ ده‌ستنيشانكردنى ئه‌و لايه‌نه‌ى ره‌واج به‌و جۆره هه‌واڵه چه‌واشه‌كارييه ده‌دات و رووبه‌ڕووى لێپرسينه‌وه و دادگاييكردن بكرێته‌وه.
