كۆبوونه‌وه‌ی لوتكه له نێوان توركیا و سعودیا ئه‌نجام ده‌درێت
خواكوڕك
ئه‌مرۆ پێنج شه‌ممه 13/10/2016 له ریازی پایته‌ختی سعودیا، كۆبوونه‌وه‌ی لوتكه له نێوان سه‌رۆك كۆماری توركیا و شای سعودیا ئه‌نجام ده‌درێت.
میدیاكانی سعودیا بڵاویانكردۆته‌وه، ئه‌مرۆ له ریازی پایته‌ختی سعودیا، ئه‌ردۆگان و شا سه‌لمانی كوڕی عه‌بدولعه‌زیز، كۆده‌بنه‌وه و بڕیاره له‌سه‌ر پرسه‌كانی ناوچه‌كه و هاریكاری سیاسی و ئه‌منی و ئابووری له نێوان هه‌ردوو وڵاتدا گفتوگۆ بكه‌ن.
هه‌روه‌ها شاندێكی توركی یاوه‌ری ئه‌ردۆگان ده‌كات كه پێكهاتووه له وه‌زیری ده‌ره‌وه و بڕیاره له په‌راوێزی سه‌ردانه‌كه كۆبوونه‌وه‌یه‌كیش له‌سه‌ر ئاستی وه‌زاره‌ته‌كان ئه‌نجام بدرێت.
هه‌روه‌ها عه‌بدوله‌تیف زیائی ئه‌مینداری گشتی ئه‌نجوومه‌نی هاریكاری سعودیا، به رۆژنامه‌كانی راگه‌یاندووه، گفته‌گۆكان له چوارچێوه‌ی ستراتیژیه‌تێكی توندوتۆڵ ده‌بێت له نێوان هه‌ردوولا.
ئه‌م كۆبوونه‌وه‌یه‌ی نێوان ئه‌م دوو وڵاته بۆته جێگای بایه‌خی میدیاكانی سعودیا و شیكه‌ره‌وه‌یه‌كی سیاسی سعودییش دەلێت، نێڕوانینی ئێمە و توركیا وەك یەكە لەسەر مووسڵ.
