خهلكی موسڵ جارێكی دیكه ئاواره دهبنهوه, هۆشداری دەدرێت داعش موسڵ داگیر بكاتەوە
![](https://xwakurk.com/wp-content/uploads/2018/07/1-copy-13.jpg)
لهگهڵ ئهوهی خهلكی موسڵ تازه دهست دهكهنهوه به ژیانێكی نوێ, بەرپرسێكی كورد لە موسڵ رایدەگەیەنێت، “رەوشی ئەمنی موسڵ خراپەو بەهۆی نەبوونی هەماهەنگی و پلانی هاوبەش لە نێوان سوپای عیراق و گرووپە جیاجیاكانی حەشدی شەعبی، ئاسایش و ئارامی لەو شارەدا كۆنترۆڵ نەكراوە”.
نەسروڵڵا سورچی بەرپرسی مەڵبەندی موسڵی یەكێتی رایگهیاندووه “رەوشی ئەمنی موسڵ ناجێگیرەو بەهۆی نەبوونی هەماهەنگی لە نێوان هێزەكانی سوپای عیراق و حەشدی شەعبی، وەك پێویست كۆنترۆڵی شارەكە نەكراوە و هاووڵاتیان جارێكی دیكە بەناچاری ماڵ و حاڵی خۆیان بە جێدەهێڵن و روو لە ناوچەكانی هەرێمی كوردستان دەكەن”.
بەرپرسەكەی یەكێتی لە بەشێكی دیكەی لێدوانەكەیدا گوتوویهتی, رەوشی دەوروبەری موسڵ خراپترەو زیاتر لە ژێر كۆنترۆڵی چەكدارانی داعش و شانە نوستوەكانی ئەو رێكخراوەدایە، وتیشی “ئەگەر حكومەتی فیدراڵی دۆخی ئەمنی موسڵ بەهەند وەرنەگرێت و وەك پێویست كۆنترۆڵی نەكات، ئەوا داعش جارێكی دیكە ئەو شارە داگیر دەكاتەوە”.