پێشمه‌رگه له ئیتالیا خه‌ڵات ده‌كرێت
به‌گوێره‌ی زانیاریه‌كانی ده‌ستی خواكوڕك كه‌وتووه، شاندێكی وه‌زاره‌تی پێشمه‌رگه‌ی كوردستان له رۆمایی پایته‌ختی ئیتالیایه له‌گه‌ڵ وه‌زاره‌تی به‌رگری ئه‌و وڵاته له كۆبوونه‌وه‌ته‌وه، بریكاری وه‌زاره‌تی پێشمه‌رگه‌ش ئاشكرایی ده‌كات، له كۆبوونه‌وه‌كه‌دا باس له‌وه كراوه، كه ئیتالیا به‌رده‌وام ده‌بێت له مه‌شق و راهێنان به‌هێزی پێشمه‌رگه”.
سەربەست لەزگین، بریكاری وەزارەتی پێشمەرگە له لێدوانێكی دا بۆ میدیاكانی كوردستان له‌باره‌ی كۆبوونه‌وه‌كانیان له‌گه‌ڵ وه‌زاره‌تی به‌رگری ئیتالیا ده‌لێـ”كۆبوونەوەمان لەگەڵ وەزارەتی بەرگری ئیتاڵیا یەكێك بوو لە كۆبوونەوە ھەرە گرنگەكان، باسمان لەو ھەماھەنگی و ھاوكاریانە كرد كە لەنێوان ھەردوولادا ھەیە. داواشمان كرد كە ئیتاڵیا بەردەوام بێت لەسەر ھاوكارییەكانی بۆ وەزارەتی پێشمەرگە”.
هه‌ر به‌گوێره‌ی زانیاریه‌كان، كۆبوونه‌وه‌ی پێشمه‌رگه و وه‌زاره‌تی به‌رگری ئیتالیا له باڵه‌خانه‌ی وه‌زاره‌تی به‌رگری ئیتالیا به‌رێوه‌چووه، بریاریشه هه‌ر ئه‌مرۆ رێکخراوی ئاپرۆکسیمینۆی ئیتاڵی له كۆنفرانسی ساڵانەی خۆی ، بە فەرمی وەزارەتی پێشمەرگەی بانگێشت كراوە خه‌ڵاتی بكات له‌مه‌ر گرینگی دا به پارێزگاری كردن له مافه‌كانی مرۆڤ، ئه‌م خه‌ڵاته خەڵاتی( ئاپرۆکسیمێنۆی نێودەوڵەتی) بۆ پاراستنی ئاسایش و بەرگری 22مین ساڵە دەبەخشرێت، لەپێناو بەرگری و تێکۆشان دژی داعش بۆ ئەمساڵ دەبەخشرێتە هێزی پێشمەرگەی کوردستان”.
هه‌روه‌ها سه‌ربه‌ست له‌زگین گوتیشی: “لە كۆبوونەوەكەدا باسمان لە رەوشی كوردستان و عێراق و ھێزی پێشمەرگە كرد، وەزارەتی بەرگری ئیتاڵیاش جەختی كردەوە، كە بەردەوام دەبن لە مەشق و راھێنان بە ھێزەكانی پێشمەرگە، زۆر بە گرنگیش لە پەیوەندییەكانی نێوان ھەرێمی كوردستان و ئیتاڵیا دەڕوانن”.
ئه‌م به‌رپرسه‌ی وه‌زاره‌تی پێشمه‌رگه ده‌شلێـ”رێکخراوی ئاپرۆکسیمینۆی ئیتاڵی كۆنفرانسی ساڵانەی خۆی رێكخستووە، بە فەرمی وەزارەتی پێشمەرگەی بانگێشت كراوە، ئەو رێكخراوە گرنگی بەو ھێز و لایەنانە دەدات كە رێز لە مافی مرۆڤ دەگرن و بەھای مرۆڤایەتی دەپارێزن، ھەر لەو چوارچێوەیەدا خەڵاتی ساڵانەی ئەمجارەیان پێشكەش ھێزی پێشمەرگە دەكات”.
