عه‌فرین میلیشیایی ئه‌بو حه‌نجه‌ر دوای ئازارو ئه‌شكه‌نجه ماڵه كورده‌كان تاڵان ده‌كات
هێزێکی میلیشیایی خۆسەپێن له جێندرس هه‌ڵده‌كوتنه سه‌ر ماڵه‌كورده‌كان و ئه‌شكه‌نجه‌و ئازاریان ئه‌ده‌ن ، دوای دەستبەسەرداگرتنی سوكایه‌تی و پێشێلکاری بەرامبەر خەڵک دەکەن و بوونەتە هۆکاری تاڵانكردنی ماڵه كوردنشینه‌كان.
ئێستا ملیشیاكانی سه‌ر به “ئه‌بو خه‌نجه‌ر مه‌نزه‌وی” له فه‌یله‌قی “ره‌حمان”، هه‌ڵده‌كوتنه سه‌ر ماڵه كورده‌كانی ناحیه‌ی جندرێس له شارۆچكه‌ی عه‌فرینی رۆژئاوای كوردستان.
به پێی زانیارییه‌كانی “خواكوڕك” وێڕای ئازار و ئه‌شكه‌نجه‌ی زۆر بۆ هاووڵاتییانی كورد، سووكایه‌تی به ژن و منداڵان ده‌كه‌ن، ماڵی هاووڵاتییانی كوردیش تاڵان ده‌كه‌ن.
ناحیه‌ی جندرێس، سه‌ر به شارۆچكه‌ی عه‌فرینی رۆژئاوای كوردستانه، له 18ی ئاداری ئه‌مساڵه‌وه، له‌لایه‌ن سوپای توركیا و میلیشیاكانی سووریا، كه له‌لایه‌ن ئه‌نقه‌ره‌وه پاڵپشتی ده‌كرێن، داگیركرا، كه پێشر له ژێر كۆنتڕۆڵی یه‌په‌گه‌دا بوو.
