ناسیح عه‌بدولڕه‌حیم :هه‌ڵسوراو كادیرانی گۆڕان به جنیو قسه‌ی ناشیرین وه‌ڵامی ڕه‌خنه‌گران ئه‌ده‌نه‌وه
بزوتنەوەی گۆڕان لە چەقی بوون بە ناوەندی سیاسیەوە لە هەرێمی کوردستان بۆ ئەو پەڕی بێ توانای، بەجۆرێک ئێستا ناتوانێت بڕیارەکانی ناخۆی بزوتنەوەکەی یەکلای بکاتەوە نەوەک ببێت بە مەرجەعێک بۆ پرس و ڕاپێکردن ،له ساڵی ٢٠٠٩وه وه‌كو پارتێكی سیاسی بۆ هۆنینه‌وه‌ی تۆمه‌ت و بوختانی سیاسی و شه‌ڕه جنێو دژ به هه‌ر بیروڕایه‌كی جیاواز كه‌له‌گه‌ل ستراتیژی هۆنینه‌وه‌ی بوختان و تۆمه‌تی سیاسی و شه‌ره جنێو دا یه‌كنه‌گرێته‌وه له جه‌نگدایه .
ناسیح عەبدولڕەحیم، ڕۆژنامەنووس و یەکێک لە ڕێکخەرەکانی خۆپیشاندانەکەی ١٧ی شوبات ڕایگەیاند: “ماوەی چوار ساڵ پشتیوانیم لە بزووتنەوەی گۆڕان کردووە و ماوەی پێنج ساڵیشە ئێمە ڕەخنە لە خراپی بزوتنه‌وه‌ی گۆڕان دەگرین، بەڵام بەداخەوە لەو ماوەیەدا ئێمە لەلایەن کادیر و ھەڵسوڕاوەکانی بزووتنەوەی گۆڕانەوە ڕووبەڕووی سووکایەتی و تۆمەتی جۆراوجۆر بووینەتەوە، تەنانەت خودی خۆم زۆرترین جوێن و قسەی ناشرین بەرامبەر کراوە، تەنھا لەبەر ئەوەی ڕەخنەم لە بزووتنەوەی گۆڕان گرتووە، لە کاتێکدا ڕەخنەکانی ئێمە ڕەخنەی بنیاتنەر بوون بۆ ئەوەی بزووتنەوەکە ڕووبەڕوی ھەڵەی حزبەکانی دیکە نەبێتەوە”.
ناسیح عەبدولڕەحیم ڕاشیگه‌یاند: “ئێستا کادیرەکانی بزووتنەوەی گۆڕان، گەیشتوونەتە ئەو قەناعەتەی کەوا ئەو حزبە پێویستی بە لێپرسینەوە و ھەڵسەنگاندن و ڕەخنەگرتن ھەیە، چونکە نەیتوانیوە لە ئاستی متمانەی خەڵکدا بێت”.
ڕێکخەری خۆپیشاندانەکەی ١٧ی شوبات گووتیشی: “کاری ئێمە بۆ ڕەخنە گرتن لەناو بزووتنەوەی گۆڕان تەواو بووە، چونکە ئێستا ھەڵسووڕاوە باڵاکانی ئەو بزووتنەوەیە خۆیان ڕەخنەیان لە سیاسەتی گۆڕان ھەیە، بۆیە ئیشی ئێمە تەواو بووە و ئەو کارەی پێشتر ئێمە دەمانکرد، ئێستا کادیرەکانی خۆیان ڕەخنەی توند لە سیاسەتی بزووتنەوەی گۆڕان دەگرن”.
لای خۆشیه‌وه شەوقی کانەبی، بەرپرسی پێشووی نووسینگەی هەولێری کەناڵی كه‌ی ئێن ئێن ڕایگەیاند:” بزووتنەوەی گۆڕان مانگانە ٣ هەزار دۆلاری بە ڕۆژنامەنووسێکی یەکێتیی نیشتمانیی کوردستان داوە، تەنیا لەپێناو ئەوەی لە ماڵپەڕە عەرەبییەکاندا بە زمانی عەرەبی جنێو بە پارتی بدات.
