مه‌ترسی ته‌قاندنی په‌نجه‌كانی ده‌ست چیه و بۆ خراپه.؟
به‌پێی ئه‌نجامه‌كانی توێژینه‌وه‌یه‌كی زانستی كه له به‌رنامه‌ی quarks له كه‌ناڵی ته‌له‌فزیۆنیی DWR ئەڵمانی بڵاوكرایه‌وه، ده‌ركه‌وت كه ته‌قاندنی په‌نجه‌كانی ده‌ست زیانی بۆ ته‌ندروستی هه‌یه.”
له‌و به‌رنامه‌یه‌دا توێژینه‌وه‌كه له‌سه‌ر 10 كه‌س ئه‌نجامدرا كه په‌نجه‌یان ده‌ته‌قێنن، بۆ ئه‌و مه‌به‌سته‌ش ئه‌نجامی هه‌مو ئه‌و لێكۆڵینه‌وانه‌ی كه له‌سه‌ر ئه‌و بابه‌ته كراوه خرانه‌ڕو و هه‌روه‌ها پێوانه‌ی په‌نجه‌ی به‌شداربوان و وێنه‌كانیان له‌رێگه‌ی تیشكه‌وه ئه‌نجامدرا.”
توێژه‌رانی ئه‌م بواره به پشتبه‌ستن به‌لێكۆڵینه‌وه كۆن و نوێیه‌كان گومانی مه‌ترسی و زیان بۆ سه‌ر ته‌ندروستی ئه‌و كه‌سانه ده‌كه‌ن كه به به‌رده‌وامی په‌نجه‌كانیان ده‌ته‌قێنن و ئاماژه بۆ ئه‌وه ده‌كه‌ن كه به‌هۆی راکێشان و تەقاندنی جومگەی پەنجەوە، دلۆپە هەڵمی گازی لەنێوان جومگەکاندا دروست دەبێت، بەمەش ئەو جومگانە دەکەونە ژێر فشارەوە، ئەگەر ئەو دڵۆپە گازانەش بتەقن ئەوا ئەم ئەنجامانەی لێدەکەوێتەوە:
-مەترسی توشبون بە پوتبونی ئێسک.
-کەمبونەوەی لینجی نێوان جومگەکان.
-له‌رزۆك بونى په‌نجه‌كان به‌تايبه‌تى له‌كاتى پيربووندا.
-ئەستور بون و ئاوسانی جومگەکانی پەنجەی دەست.
-شێوەی پەنجە دەگۆڕێت و خوار و ناڕێک دەبێت.
-مەترسی توشبون بە هەوکردنی جومگەی پەنجە.
