ره‌نج قه‌ره‌داغی كاندیدی یه‌كێتی بۆ په‌رله‌مانی كوردستان كشایه‌وه
ڕه‌نجده‌ر كه‌مال محه‌مه‌د كاندیدی یه‌كێتی بۆ په‌رله‌مانی كوردستان به هۆی به‌رژه‌وه‌ندی حیزبیه‌وه له ڕونكردنه‌وه‌یه‌كدا كشانه‌وه‌ی خۆی له كاندیدبوون له‌سه‌ر لیستی یه‌كێتی ئاشكرا ده‌كات .
ڕه‌نجده‌ركه‌مال محه‌مه‌د ناسراو به (ڕه‌نج قه‌ره‌داغی ) كاندید له‌سه‌ر لیستی یه‌كێتی بۆ په‌ڕله‌مانی كوردستان له هه‌ژماری تایبه‌تی خۆی له تۆڕی كۆمه‌ڵایه‌تی فه‌یسبووك نوسیویه‌تی و ده‌ڵێت :” وێرای سوپاسم بۆ لیژنەی بەڕێزی ھەڵسەنگاندنی سی ڤی و مەڵبەندی سلێمانی و ئەنجومەنی ناوەند و مەکتەبی سیاسی یەکێتی، کەمتمانەیان پێبەخشیم و شەرەفی کاندید بوون بۆ پەرلەمانی کوردستانیان پێبەخشیم، بۆ مێژوو ئەم متمانەیەی یەکێتییەکەم بۆمن شانازییەکی گەورەیه”.
له به‌شێكی تری په‌یامی ده‌ستله‌كاركێشانه‌وه‌ی له كاندیدبوون ڕه‌نج قه‌ره‌داغی ده‌شڵێت :” وێرای داوای لێبوردن لەھەموو ئەو کەس و لایەنە رێزدارانە، رایدەگەیەنم کەبەخواستی خۆم و بەراوێژ لەگەڵ دەسەڵاتدارانی باڵای حیزبەکەم بڕیارمدا لەکاندیدبونم بکشێمەوە”.
له كۆتایی په‌یامه‌كه‌یدا كاندیده ده‌ستله‌كاركێشاوه‌كه‌ی یه‌كێتی بۆ په‌رله‌مانی كوردستان نوسیویه‌تی ” ئەم بڕیارەم لەتێڕوانینی خۆمدا، لە بەرژەوەندی خۆم و یەکێتیشدایە، چونکە لەنیگەرانییەوە نیەو لەوپەڕی بەھێزی و ئیرادەی خۆم و ئامادەیی سۆزی خڵک و جەماوەرەوە ئەم بڕیارەمداوە”.
باڵی ده‌ستڕۆیشتوو خیانه‌تكاری ۱٦ی ئۆكتۆبه‌ری یه‌كێتی زۆرینه‌ی كاندیده‌كانی له كه‌سانی نزیك له خۆیان به‌ربژێر كردووه و ته‌نانه‌ت دانانی سه‌رۆكی لیستی یه‌كێتی قوباد تاڵه‌بانی به رێكه‌وتنی هه‌ردوو باڵه‌كه‌ی ناو یه‌كێتی بووه ، به‌ڵام باڵی ده‌سترۆیشتوی یه‌كێتی له هه‌وڵدان بۆ ئه‌وه‌ی جێگری سكرتێری گشتی له ده‌سه‌ڵات داببرن و بیكه‌نه په‌راوێزه‌وه .
به‌پێی زانیارییه‌كانی “خــواكــوڕكـ” له‌ماوه‌كانی ڕابردوودا لاهور جه‌نگی فشاری خستووه‌ته سه‌ر سه‌ركردایه‌تی حزبه‌كه‌ی و پێداگری كردووه كه هه‌ڵبژاردنی په‌رله‌مانی كوردستان دوابخرێت ،ئه‌وه‌ش به هۆی دۆخی خراپی حیزبه‌كانیان له ئاست جه‌ماوه‌ریان و نه‌بوونی ئاماده‌ییان هه‌ریه‌ك له یه‌كێتی و قه‌واره‌كه‌ی به‌رهه‌م ساڵح و گۆران و كۆمه‌ڵی ئیسلامی له دڵه‌وه له ئاستی پراكتیشدا كار بۆ دواخستنی هه‌ڵبژاردنه‌كانی په‌رله‌مانی كوردستان ده‌كه‌ن ، خەسرەو گۆڕان، بەرپرسی دەزگای هەڵبژاردنی پارتی ده‌ڵێت:”هیچ بەهانەیەك نییە بۆ دواخستنی هەڵبژاردنی پەرلەمانی كوردستان.
