نێچیرڤان بارزانی و كونسوڵی نوێی هۆڵه‌ندا له هه‌رێمی كوردستاند كۆبونه‌وه
دوای ده‌ست به‌كار بوونی كونسوڵی نیۆی شانه‌شینی هۆله‌ندا, ئێواره‌ی ئه‌مڕۆ یه‌كشه‌ممه، سه‌رۆكی حكومه‌تی هه‌رێمی كوردستان له‌گه‌ڵ ڤلیم كۆزه‌ین، كونسوڵی گشتیی نوێی شانشینی هۆڵه‌ندا له هه‌رێمی كوردستان و شاندێكی یاوه‌ری كۆبوه‌وه‌وه.
له دیدارێكدا كۆزه‌ین خۆشحاڵیی خۆی به دیداری، نێچیرڤان بارزانی، سه‌رۆكی حكومه‌تی هه‌رێمی كوردستان ده‌ربڕی و ئاماده‌ییی خۆی بۆ په‌ره‌پێدانی زیاتری په‌یوه‌ندییه‌كانی نێوان هه‌رێمی كوردستان و هۆڵه‌ندا له هه‌موو بواره‌كاندا نیشان دا.
له‌كۆبونه‌وه‌كه‌دا نێچیرڤان بارزانی پیرۆزبایی ده‌ستبه‌كاربوونی له كونسولی نوێی هۆڵه‌ندا كرد و هیوای سه‌ركه‌وتنی له ئه‌ركی نوێیدا بۆ خواست و پشتگیریی خۆی و داموده‌زگاكانی حكومه‌تی هه‌رێمی بۆ كار و چالاكییه‌كانی نیشان دا، جه‌ختیشی له‌پته‌وكردنی زیاتری په‌یوه‌ندییه‌كان له هه‌موو بواره‌كان، به‌تایبه‌تی له كه‌رتی كشتوكاڵدا كرده‌وه.
سه‌رۆكی حكومه‌ت سوپاسی حكومه‌تی هۆڵه‌ندای كرد بۆ هاوكارییه مرۆیی و سه‌ربازییه‌كانیان بۆ هه‌رێمی كوردستان به‌تایبه‌تی به‌شداریكردنیان له پرۆگرامی چاكسازی له وه‌زاره‌تی كاروباری پێشمه‌رگه‌دا و هیوای به‌رده‌وامیی هاوكارییه‌كانی خواست.
هه‌ر له كۆبونه‌وه‌كه‌دا دۆخی ناوچه‌كه به‌گشتی و هه‌ڵسه‌نگاندنی دوا سه‌ردانی نێچیرڤان بارزانی بۆ هۆڵه‌ندا تاوتوێ كرا.
