سلێمانی نەك فەرهاد پیرباڵ بەڵكو نالی و ساڵمیشی تێدا شاربەدەر كراوە
خواكوڕك
سلێمانی ئەگەرچی داهێنەری رۆناكبیر و رۆشەنبیرە، بەڵام هەر ئەو شارە جێگای مانەوەی رۆشەنبیر و رۆناكبیری تێدا نابێتەوە و بەدرێژای مێژوو رۆشەنبیر و رۆناكبیرەكانی ئەو شارە پەنایان هێناوە بۆ هەولێر و لەوێدا گیرساونەتەوە،
سەد و پەنجا (١٥٠) ساڵ پێش ئێستا حاکم و غوڵامەکان لە سلێمانی (مەولانا خالیدی نەقشەبەندی) ئەو عەلامە گەورەیەیان ڕاونا، لەناو خەڵکە سادە و خۆشباوەڕەکەشدا بڵاویان کردەوە کە مەولانا جاسووسە!!
هەر لەمێژووی ئەو شارە ۱٥٠ ساڵ پێش ئێستا (سالم و نالی) هەردوو گەورە شاعیريان، ڕاونا و نەهێڵرا پشوویەک لەو شارەدا بدەن، هەتا ئێستاش گۆڕی نالی لە ئاستانە و لەغەریبیدایە، کەچی ئێستا ئەم شارە بە سێکوچکەی شعری (سالم و نالی و کوردی) یەوە ناو دەبرێت.
٧٠ ساڵ پێش ئێستا، (ڕەفیق چالاک)ی هونەرمەند(باوکی ئەم ئازاد چالاکەی گۆڕان) ، لەناو خەڵکیدا سوكایەتی پێكراو ، گوتیان جاسووسە.
۸٠ ساڵ بەر لە ئێستا (پیرەمێرد)ی شاعیری گەورەی کورد، ڕاونرا و هەر جارەی لە شارێکی شام و تورکیا بوو، پێیان دەگوت جاسووسە.
۸٠ ساڵ پێش ئێستا (حسێن حوزنی موکریانی) سوکایەتی پێكرا لەناو خەڵکدا و گوتیان جاسووسی ئینگلیزە ، هەر لەبەر ئەوەی لە گۆڤاری (دەنگی گێتی نوێ) کە سەفارەتی ئینگلیز دەری دەکرد ، کاری دەکرد.
۹٠ ساڵ پێش ئێستا (جەمال عیرفان) نوسەری پێشکەوتن خوازی کوردیان تیرۆر کرد. وتیان کافرە !!هەر ساڵێک پێش ئێستا سوکایەتی بە گۆری (شێرکۆ بێکەس)ی شاعیر کرا .
لەئێستاشدا سوكایەت و هۆیهاكێشان لەلایان چەورەی ناوبازارەوە بۆ فەرهاد پیرباڵ كرا.
