عه‌بادی به ته‌نها ده‌مێنێته‌وه سی كه‌سایه‌تی له لیسته‌كه‌ی كشاونه‌ته‌وه
له‌گه‌ڵ ئه‌وه‌ی له ئێستادا گفتوگۆكان بۆ پێكهێنانی كابینه‌ی نوێی عێراق چڕكراونه‌ته‌وه, چه‌ندین جار هاوپه‌یمانی گرێدراون به‌ڵام به‌هۆی ناكۆكیه‌كانی نێوانیان هه‌ڵده‌وه‌شێنه‌وه, نوێنه‌ری پارتی له به‌غدا ئاشكرای ده‌كات, هاوپه‌یمانی نه‌سر و سائیرون هه‌ڵوه‌شاوه‌ته‌وه.
بەنگین رێكانی نوێنەری پارتی دیموكراتی كوردستان لە بەغدا، رایگه‌یاند، بەھۆی ناكۆكی لەسەر پۆستەكان، ھاوپەیمانێتی نەسری حەیدەر عەبادی هه‌ڵده‌وه‌شێته‌وه و نزیكه‌ی سی كه‌سایه‌تی له لیستی هاوپه‌یمانێتییه‌كه‌ی جیاده‌بنه‌وه.
نوێنەری پارتی لە بەغدا گوتیشی: “نووری مالیكی كاندیدی هیچ پۆستێك نییه، به تایبه‌تی بۆ پۆستی سه‌رۆك وه‌زیرانی داهاتووی عێراق”.
ئه‌و نوێنه‌ره‌ی پارتی لە بەغدا، گووتیشی: “به‌شێك له كوتله و هاوپه‌یمانێتییه‌كانی وه‌كو فه‌تح و به‌شێك له كوتله‌ی نه‌سر، ره‌شنووسێكیان ئاماده‌كردووه، كه تێیدا به‌ڵێنی جێبه‌جێكردنی كێشه‌كانی كورد له حكومه‌تی داهاتووی عێراق له‌خۆده‌گرێت، به‌تایبه‌تیش مادده‌ی 140 و پێشمه‌رگه و بودجه‌ی هه‌رێمی كوردستان له چوارچێوه‌ی ده‌ستووردا”.
هاوكات مه‌رجه‌كانی سه‌رۆك بارزانی له پێكهێنانی حكوومه‌تی داهاتووی عێراق، كه بریتین له شه‌راكه‌ت و ته‌وافووق و ته‌وازون, وه‌ك به‌نگین رێكانی باسی ده‌كات، له‌و ره‌شنووسه‌دا ئاماژه‌یان بۆ كراوه.
