پینجوێن خۆل و ئاسن و به‌ردی گرانبه‌ها ده‌رده‌هێنرێت
له قه‌زای پێنجوێن مه‌زه‌نده‌ی بوونی چه‌ندین جۆر كانزا و به‌ردی گرانبه‌ها ده‌كرێت، كه‌چی ته‌نها وه‌به‌رهێنان له خۆڵی ئاسن و چه‌ند جۆرێك له به‌ردی گرانبه‌ها كراوه،له‌گه‌ڵ هه‌بوونی ئه‌و کانزا گرانبەهایانە، ته‌نیا ئه‌وه‌ی كاری تێدا كرابێت ده‌رهێنانی خۆڵی ئاسنه، ئه‌ویش له‌ڕێگه‌ی وه‌به‌رهێنه‌رێكه‌وه ده‌رده‌هێنرێت ، بەڵام تائێستا نه‌توانراوه له پێنجوێن كارگه‌ی به‌رهه‌مهێنانی كه‌ره‌سته‌ی خاو دابمه‌زرێت و بۆ ئەوەی دانیشتووانی سنووره‌كه‌ش سوودی لێ ببینن.
زانا ره‌حمان، قایمقامی قه‌زای پێنجوێن رایگەیاند: “تائێستا وەبەرھێنان تەنھا لەسەر خۆڵی ئاسن و ھەندێك بەردی گرانبەھا كراوە، ئەو بابەتە پەیوەندیدارە بە وەزارەتی سامانە سرووشتییەكان، بەڵام تائێستا نەھاتووە رووپێوێكی ناوچەكە بكات و وەبەرھێنانی تێدا بكات، چونكە سیاسەتی وەزارەتی سامانە سرووتییەكان تەنھا كار لەسەر نەوت دەكات، نەك لەسەر بەرد و مادە سرووشتییەكانی دیكە كە ھەن”.
قایمقامی قه‌زای پێنجوێن گوتیشی: “سەرجەم ئەو داھاتانەی لە خۆڵی ئاسن و بەردی گرانبەھای ناوچەكە بە دەست دێن دووبەشە، یەكێكیان حكوومەتی ھەرێم بە مەتر دەیفرۆشێت، بەشەكەی دیكەشی ئەوەیە كە سەرمایەدارەكە سوودی لێدەكات، ئەگەرنا تائێستا ھیچ داھاتێكی بۆ پێنجوێن خەرج نەكراوە”.
