لە پێنج رۆژدا 181 هەزار گەشتیار هاتوونەتە كوردستان

دەستەی گشتی گەشت و گوزار ئاشكرای دەكات لە پێنج رۆژدا 181 هەزار گەشتیار هاتوونەتە كوردستان و ژمارەكەش لە بەرزبوونەوەدایە.

نادر رۆستی، وتەبێژی دەستەی گشتی گەشت و گوزاری هەرێمی كوردستان راگەیاند، لەرۆژی 18-8-2018ەوە تا رۆژی 22-8-2018 واتە لەماوەی پێنج رۆژدا 181 هەزار گەشتیار هاتۆتە هەرێمی كوردستان، لە هەمانكات لە جەژنی قوربانی ساڵی رابردوو ١٤٥ هەزار گەشتیار هاتبوو، واتە بە ڕێژەی ٢٤% زیادی كردووە.

ناوبراو ئاماژەی بەوەكرد، هاتنی گەشتیاران بەردەوامە و ژمارەكە لەبەرزبوونەوەدایە و دوا ئاماریش لە ڕۆژانی دوای جەژن بە وردكاری زیاتر ڕادەگەیەنن.