سبه‌ینێ یه‌كه‌م كاروانی حاجیانی كورد ده‌گه‌ڕێنه‌وه كوردستان.
سەرۆكی تیمی راگەیاندنی حاجیانی هەرێمی كوردستان لەسعودییە ڕایدەگەیەنێـت: بڕیارە سبەی دوو شەممە یەكەم كاروانی حاجیانی هەرێمی كوردستان لەسعودییە بگەنەوە هەرێم.
له‌و باره‌وه، (نەبەز ئیسماعیل)گوته‌بێژی وه‌زاره‌تی ئه‌وقاف و سەرۆكی تیمی ڕاگەیاندنی حاجیانی هەرێمی كوردستان لەسعودییە رایگەیاند: سبەی دووشەممە 28/8/2018 یەكەم كاروانی حاجیانی هەرێمی كوردستان لە سعودییە دەگەنەوە فڕۆكەخانەی نێودەوڵەتی هەولێر و دواتر گەڕانەوەی حاجیان بەردەوام دەبێت.
جێگای ئاماژەبۆكردنە ئەمساڵ لە هەرێمی كوردستان پێنج هەزار و 469 كەس بە مەبەستی بەجێگەیاندنی فەریزەی حەج سەردانی سعودیەیان كرد.
