توركیا ڤیزه‌ له‌سه‌ر هاوڵاتیانی عێراقی هه‌ڵده‌گرێت

وڵاتی توركیا به‌فه‌رمی ڤیزه‌ له‌سه‌ر هاووڵاتییانی عێراق هه‌ڵده‌گرێت و بڕیاره‌كه‌ش به‌م نزیكانه‌ ده‌چێته‌ بواری جێبه‌جێكردنه‌وه‌.

سەرچاوەیەك به‌كه‌ناڵی ئاسمانی “غه‌دیر”ی عێراقی ڕاگه‌یاند: “ده‌سه‌ڵاتدارانی توركیا، بڕیاره‌كه‌ی ئاراسته‌ی سه‌رجه‌م ده‌روازه‌ و فڕۆكه‌خانه‌كان كردووه‌ و فه‌رمانیشی كردووه‌، كارئاسانی بۆ هاتنه‌ ژووره‌وه‌ی هاووڵاتییانی عێراق بۆ ناو خاكی توركیا بكرێت”.

حكوومه‌تی توركیا به‌فه‌رمی ڤیزه‌ی وڵاته‌كه‌ی له‌سه‌ر هاووڵاتییانی عێراق، هه‌ڵگرت، بڕیاره‌كه‌ی حكوومه‌تی توركیا، له‌سه‌ره‌تای مانگی داهاتووه‌وه‌ ده‌چێته‌ بواری جێبه‌جێكردنه‌وه‌.