تۆره كۆمه‌ڵایه‌تییه‌كان خیانه‌تی گروپی خیانه‌تكاری ۱٦ـی ئۆكتۆبه‌ر زیندوو ده‌كه‌نه‌وه
ئاسۆ جەنگی ئه‌ندامی گروپی خیانه‌تكاری ۱٦ئۆكتۆبه‌ری یه‌كێتی و برازای جه‌لال تاڵه‌بانی له تۆمارێكی ڤیدیۆیدا بۆ كه‌ناڵی ئافاقـی سه‌ر به نوری مالیكی له‌سه‌ربه‌ندی ئاواره‌یی و ده‌ربه‌ده‌ریی و سوتاندنی ماڵه كورده‌كان و ته‌عریبكردنیان له‌لایه‌ن حه‌شدی شه‌عبیه‌وه ئاسۆ جەنگی دەڵێت: ”هەندێک بانگەشەی ئەوە دەکەن کە حەشدی شەعبی و سوپا خەڵک دەکوژن بەتایبەتی کورد، یان عەرەب و تورکمان هێرش دەکەنە سەر موڵک و ماڵی کوردان، بەڵام ئەو قسەیە مەحاڵە، چونکە سێ رۆژە لە کەرکووکم، هیچم نەبینی. هەندێک شتی بچووک هەیە وەک هەر ڕۆژێکی ئاسایی، شەڕ و کێشەمان لەلایەنی حەشدی شەعبی و سوپای عێراق نەبینی، ڕێز لە خەڵکی کەرکووک دەگرن و جیاوازی لە نێوان عەرەب و تورکمان و کورددا ناکەن“.
دواتر ئاسۆ جەنگی ئه‌ندامی گروپی خیانه‌تكاری ۱٦ئۆكتۆبه‌ر كۆمه‌ڵێك مژده‌ی فشه‌ڵ و وه‌هم ده‌رده‌بڕێت و كه گوایه حه‌شدی شه‌عبی له كه‌ركوك ده‌كشێته‌وه‌و ده‌زگا ئه‌منییه‌كان جێگه‌یان ده‌گرنه‌وه ،هه‌روه‌ها ده‌شڵێت :”بەڕێز عەبادی چەندان جار لە تەلەڤزیۆنەوە بە کورد و گەلی کەرکووکی ڕاگەیاند کە ئێوە هەمووتان عێراقین و ئێمە پاڵاوگە و بیرەنەوتەکانی کەرکووک دەبەین، چونکە موڵکی هەموو عێراقە، ئەوکاتە هەموو سەری مانگێک مووچەتان پێ دەدەین، چونکە لە هەرێمی کوردستان سێ مانگ جارێک هەندێکجار مووچە دەدرێت“.
سلوكی جاشایه‌تی و خۆفرۆشتنی ئاسۆ جه‌نگی برازاكه‌ی جه‌لال تاڵه‌بانی وئه‌ندامی گروپی خیانه‌تكاری ۱٦ـی ئۆكتۆبه‌ر هه‌ربه فرۆشتنی خاك و خه‌ڵكی كه‌ركوك و ناوچه داگیركراوه‌كان نه‌وه‌ستاوه ،به‌ڵكو په‌لاماری حكومه‌تی هه‌رێمی كوردستانیش ئه‌دات و ده‌لێت :””سەربەخۆیی دارایی لەلایەن حکوومەتی هەرێمی کوردستان هەڵەیەکی گەورە بوو، دوو ساڵە ئەو قەیرانە داراییە لە هەرێمی کوردستاندا هەیە و ئێمە زەرەرمەند بووین، ئێمە پێشتر ١٧٪ی هەموو بودجەی عێراقمان وەردەگرت “.
هاوكات سه‌رباری خیانه‌ت و خاك و خه‌ڵكفرۆشتن برازاكه‌ی مام جەلال و ئه‌ندامه‌كه‌ی گروپی خیانه‌تكاری ۱٦ی ئۆكتۆبه‌ر دواتر میلیشیاكانی حەشدی شەعبی پاش ئەوەی ئامانجەکانی خۆی پێکا، چەکدارانی خیانه‌تكاری گروپی ۱٦ی ئۆكتۆبه‌ری لە کەرکووک دەرکرد و فشاری خسته سه‌ربارەگاکانی یەکێتیی و تەنیا چەند پاسەوانێکیان بە مەرجی بوونی چەند پارچە چەکێکی کڵاشینکۆف بۆ هێشتنەوە.
