سەرۆکی لیستی برایەتی لە کەرکووک: زیاتر لە پەنجا پۆست لە کورد وەرگیرانەتەوە
محەمەد كەمال، سەرۆكی لیستی برایەتی لە ئەنجومەنی پارێزگای كەركووك و ئەندامی ئەنجومەنی ئەو پارێزگایە، رایگەیاندووە: لە دوای 16ی ئۆكتۆبەرەوە زیاتر لە 50 پۆستی كورد لە كەركووك وەرگیراونەتەوە. جەختیش دەكاتەوە تەعریب كردن لە كەركووك بەردەوامە.
سەرۆکی لیستی برایەتی لە کەرکووک دەشلێت:” باردۆخی كەركووك وەكو خۆیەتی هیچ گۆڕانكاری بەسەریدا نەهاتووە، پۆلیسی فیدراڵی دژە تیرۆری عێراقی، حەشدی شەعبی بە تایبەت میلیشیای عەسایب ، تاوەكو ئێستا لە ناو شاری كەركووكن، بارەگا و ماڵەكانیان داگیركردووە، بارودۆخی كەركووك وەكو رۆژی 16ی ئۆكتۆبەرە و هیچ نەگۆڕاوە”.
هەرەها گوتیشی:” لە بارەی چۆلکردنی بارەگاکانی پارتی نوسراوێكم بینیووە گوایە بارەگا داگیركراوەكانی كەركوك چۆڵ بكرێت، بەڵام بە تەواوی چۆڵ نەكراون، لە بارەگای ئەنجومەنی سەركردایەتی پارتی شتی زۆریان لێ دەركردوون بۆ ئەوەی چۆڵ بكرێت،بەڵام تاوەكو ئێستا هیچ بارەگایەك نەدراوەتەوە كەس”.
