گۆڕان له هه‌ڵبژاردن رایكرد به‌ته‌مایه بایكۆتی هه‌ڵبژاردن بكات
به‌گوێره‌ی زانیاریه‌كانی ده‌ستی خواكوڕك كه‌وتووه بزووتنه‌وه‌ی گۆڕان هه‌وڵده‌دات هه‌لبژاردنی په‌رله‌مانی كوردستان بایكۆت بكات، له‌و باره‌یه‌وه شۆره‌ش حاجی ده‌لێـ”له‌چه‌ند ڕۆژی ئاینده‌دا جڤاتی نیشتمانی گۆڕان بڕیار له‌پرسی هه‌ڵبژاردن ده‌دات به‌وه‌ی گۆڕان به‌شداری یان بایكۆتی هه‌ڵبژاردن بكات، هه‌روه‌ها راشی گه‌یاندووه” راشكاوانه رای خۆمان وت، ڕێژه‌ی به‌شداری خه‌ڵك له‌هه‌ڵبژاردنی پێشوودا كه‌م بوو، دورنیه له‌هه‌ڵبژاردنی په‌رله‌مانی كوردستانیشدا كه‌مبێت”.
چاودێرانی سیاسی پێیان وایه گۆڕان له ئێستادا هیچ قورسایه‌كی نیه و ناتوانێت به‌هه‌وای پێشتر و 24 كورسی كاریگه‌ری له‌سه‌ر گۆره‌پانی سیاسی دابنێت، بۆیه له‌ئێستادا سه‌ر لێشواوانه بریار له‌سه‌ر كۆمه‌ڵێك شت ده‌دات یان هه‌وڵده‌دا خه‌ڵك به كۆمه‌ڵێك بیانوو چه‌واشه بكات كه خه‌ڵك باش ئه‌زانێت راستی بریاری بایكۆتی گۆڕان چیه و ده‌زانن هۆكاره‌كه‌ی ئه‌م بریاره له ئیفلاسی و بێ سه‌روبه‌ری ئه‌و رێكخراوه سیاسیه هاتووه، كه ده‌زانن خه‌ڵك له‌به‌ر ئه‌وه‌ی ئه‌م جاره ده‌نگ ناهێنێت بۆیه بایكۆتی هه‌ڵبژاردن ده‌كات”.
هه‌روه‌ها چاودێرانی سیاسی پێیان وایه، گۆڕان باش ده‌زانێت ناتوانێت ده‌نگ بهێنێت، بۆیه بایكۆتی هه‌ڵبژاردنی كوردستان ده‌كات ئه‌مه له‌كاتێكدایه كه گۆڕان به‌م بریاره‌ی بریاری راكردنی له سزای خه‌ڵك ده‌دات كه چه‌ند ساڵه له‌هه‌وڵی خراپ كردنی دۆخی خه‌ڵك دایه”.
