موقتەدا سەدر: دەستدرێژیەکانی سەر خۆپیشاندەرانی بەسڕا مایەی قبولکردن نیە
دوای ئەوەی لەخۆپیشاندانەکانی ئەمشەوی بەسڕا ژمارەیەک هاوڵاتی کوژران و بریندار بوون، موقتەدا سەدر سەرۆکی هاوپەیمانی (سائیرون) پەیامێکی توندی ئاڕاستەی حکومەتکرد، دەڵێت” چیتر دەستدرێژی کردنە سەر هاووڵاتیانی بەسراقبوڵکراو نیە”.
سەدر لە هەژماری خۆیدا لە تۆڕی كۆمەڵایەتیی “تویتەر” نووسیویەتی “دەستدرێژی بۆ سەر هاووڵاتیانی بەسرا ڕاگرن، ئامۆژگاریشتان دەكەم ئارامی من تاقی مەكەنەوە”.
سەدر لە پۆستەكەیدا نووسیویەتی خەمبارە بەو كارەساتانەی بەسەر بەسرای زوڵملێكراودا دەهێندرێت، ئەوەی تووڕەی كردووە دەستدرێژی ناهەقی هەندێ لە هێزە ئەمنیەكانە بۆ سەر خۆپێشاندەران.
ئەمڕۆ سێشەممە دۆخی پارێزگای بەسرا قڵیشایەوە و تا ئێستە چەندین كوژراو و بریندار هەن لەنێو هەردوو ڕیزی خۆپێشاندەران و هێزە ئەمنیەكان، سەرباری ئەوەی خۆپێشاندەران هێرشیان كردە سەر بینای پارێزگای بەسرا و داگیریان كرد.
