نرخی نه‌وت له بازاڕه‌كانی جیهان دابه‌زی.
ئاژانسەكانی ئابووری لە جیهان بڵاویان كردەوە ئەمڕۆ 10ی 9ی 2018 نرخی نەوت لە بازارەکانی جیهاندا ڕووى لە دابەزین کردووە و نرخى بەرمیلێک نەوتى برێنت بە 77 دۆلار و 3 سەنت مامەڵەى پێوەکرا.
هاوکات نرخی بەرمیلێک نەوتی خاوى ئەمریکى لە بازاڕەکانی جیهاندا بە 68 دۆلار و 84 سەنت مامەڵەی پێوەکرا.
ناوەڕاستی مانگی ئایاری ڕابردوو نرخی بەرمیلێک نەوتی برێنت 80 دۆلاری تێپەڕاند و ئەوەش بەرزترین ئاستی بوو لە کۆتایی ساڵی 2014وە.
بەهۆی زیادبوونی یەدەگی نەوتی ئەمریكی و مەترسییەکان سەبارەت بە سستی گەشەی ئابووری جیهانیی، نرخی نەوت لە بازاڕەكانی جیهان دابەزیوە.
ماوەی سێ هەفتەیە نرخی نەوت لە بازاڕەکانی جیهاندا ڕووی لە دابەزینە و لە یەک هەفتەشدا ٢%ی بەهاکەی لەدەستداوە.
