گومانەكان لەسەر هێرشی داعش بۆ ناو كەركووك زیاتر دەبن
خواكوڕك
گومانەكان لەسەر هێرشی داعش بۆ ناو كەركووك لەپەرەسەندن دایە و چاودێرانی سیاسی لەو بارەیەوە هۆشداری دەدەن و كۆسرەت رەسوڵ جێگری سەرۆكی هەرێم هێزی پێشمەرگە دەجوڵێنێت بۆ ناو شاری كەركووك.
بەگوێرەی راگەیاندراوی میدیا گوماناویەكان و سەرچاوە جیاوازەكان پەكەكە و حشدی شەعبی لەجوڵەدان بۆ ناو شاری كەركووك، لەو بارەیەوە چاودێرانی سیاسی هۆشداری دەدەن لەو هێرشی داعش.
سەرچاوەی میدیاكان ئاشكرایان كردووە كە حشدی شەعبی و پەكەكە لەپاش هێرشی داعش بۆ ناو كەركووك هێزیان جوڵاندووە،
چاودێرێكی سیاسی پێشتر لەهەواڵێكی خواكوڕك گومانی لەسەر ئەو هێرشەی داعش خستە روو رایگەیاند ئەم هێرشە دەكرێت بۆ راكێشانی حشدی شەعبی و هێزە گوماناویەكان بێت بۆ ناو شاری كەركووك بەئامانجی جیاواز.
بەڵام هەر ئەمرۆ هێزی جێگری سەرۆكی هەرێمی كوردستان بەپەلە گەیشتە ناو كەركووك و فەرماندەیەكی ئەو هێزەی كۆسرەت رەسوڵیش دەلێت پێویستمان بەهیچ هێزێك لەدەرەوەی دەزگا ئەمنیەكانی كوردستان و وەزارەتی پێشمەرگەی نیە رێگاش نادەین هێز بخزێنرێتە ناو كەركووك بەبیانووی هاوكاری دەزگا ئەمنیەكان لەرووبەرو بوونەوەی داعش.
