پۆستی سه‌رۆككۆماری عێراق مافی پارتی یه‌و بنه‌ماڵه‌ی تاڵه‌بانی و ئیبراهیم ئه‌حمه‌د شه‌ڕی له‌سه‌ر ده‌كه‌ن
دوای ئه‌وه‌ی رۆژی یەکشەمەی رابردووی ھەردوو مەکتەبی سیاسیی پارتی دیموکراتی کوردستان و یەکێتیی نیشتمانیی کوردستان كۆبونه‌وه ،سه‌رچاوه‌یه‌كی ئاگادار له ناو كۆبونه‌وه‌كه‌ی هه‌ردوو مه‌كته‌بی سیاسی پارتی و یه‌كێتی ئاشكرای كرد ” كه پارتی به ڕاشكاوی به یه‌كێتی راگه‌یاندووه كه پۆستی سه‌رۆككۆماری عێراق ڕێكه‌وتنی له‌سه‌ر ناكات و نایداته‌وه به یه‌كێتی و كاندیدی بۆپۆستی سه‌رۆككۆماری عێراق ئاماده كردووه ، خۆئه‌گه‌ریش یه‌كێتی سووره له سه‌روه‌رگرتنی پۆستی سه‌رۆككۆمار ئه‌وا هه‌ردوو حیزب كاندیدی خۆیان له ناو په‌رله‌مانی عێراقدا ده‌خه‌نه ده‌نگدانه‌وه و هه‌ركامیان ده‌رچوون ئه‌وه ده‌بێته سه‌رۆككۆماری عێراق “.
به پێی ده‌نگۆكان و ئه‌وه‌ی باس ده‌كرێت پارتی دوو كاندیدی هه‌یه بۆ پۆستی سه‌رۆككۆماری عێراق كه ئه‌وانیش هه‌ریه‌ك له فازڵ میرانی سکرتێری مەکتەبی سیاسی و ھۆشیار زێباری ئەندامی مەکتەبی سیاسیی پارتی، کاندیدن بۆ پۆستی سەرکۆماری عێراق.
سه‌رچاوه‌كه‌ی ناوهه‌ردوو مه‌كته‌بی سیاسی پارتی و یه‌كێتی ده‌ڵێت :” پارتی له كۆبونه‌وه‌كه‌دا به یه‌كێتی گوتووه لە ٢٠٠٥ وه پۆستی سەرۆكکۆماری عێراق لای ئێوە بووە، راستە پێشتر جۆرێک لە ڕێککەوتن لەنێوانماندا ھەبووە و بەپێی ئەو رێککەوتنە پۆستەکە بۆ جەلال تاڵەبانی، سکرتیری کۆچکردووی یەکێتی بووە و دواتریش بە ھەمان رێککەوتن دراوە بە فواد مەعسووم، بەڵام ئێستا ئەو ڕێککەوتنە نەماوە و پارتی ئەمجارەیان دەیەوێ خۆی ئەو پۆستە بەڕێوە ببات”.
هه‌رچه‌نده تا ئێستا یه‌كێتی نه‌یتوانیوه كۆده‌نگی له‌سه‌ر كاندێدێك بۆ پۆستی سه‌رۆككۆماری عێراق دروست بكات ،به‌ڵك ململانییه‌كی توند له نێوان بنه‌ماڵه‌ی تاڵه‌بانی و ئیبراهیم ئه‌حمه‌د له‌سه‌ر پۆستی سه‌رۆككۆماری عێراق هه‌یه ،به‌م دواییه له نێو مه‌كته‌بی سیاسی یه‌كێتی یه‌وه دوو کاندید پەسەند کراون کە ھەریەک لە مەلابەختیار لێپرسراوی دەستەی کارگێڕیی مەکتەبی سیاسیی وھەروەھا له نێوان هه‌ردوو ئاوه‌ڵزاواكه‌ی مام جلالیش لەتیف رەشید باس كراوه و بە ھیچ شێوەیەک باسی محەمەد سابیریان نەکردووە
لای خۆیه‌وه پارتی ئاماده‌سازی كردووه كه به پێی ئیستحقاقاتی هه‌ڵبژاردن یه‌كێتی مافی هه‌ڵبژاردنی خۆی كه خۆی، جێگری سەرۆک وەزیرانی عێراق و وەزارەتێکی سیادی و یەکێکی خزمەتگوزاری لە کابینەی نوێی حکوومەتی عێراقدا وەربگرێت ، بۆ هه‌رێمی كوردستانیش كه جارێ هه‌ڵبژاردنی په‌رله‌مانی كوردستان ئه‌نجام نه‌دراوه ووریاره ۳۰ـی ئه‌یلول ئه‌نجام بدرێت كه‌متر له ۱۵ ڕۆژی ماوه بەپێی ژمارەی ئەو کورسییانەی ھەریەکەیان لە ھەڵبژاردنی داھاتووی کوردستاندا بەدەستی دەھێنن، بە ھاوبەشی لەگەڵ حزبەکانی تر حکوومەتی نوێی ھەرێمی کوردستان بەڕێوە بەرن.
