كه‌ناڵی ئه‌لجه‌زیره‌ی عه‌ره‌بی خیانه‌تی ۱٦ـی ئۆكتۆبه‌ر ده‌كاته به‌ڵگه‌نامه‌ی دیكۆمێنتاری
كه‌ناڵی ئه‌لجه‌زیره‌ی عه‌ره‌بی خیانه‌تی ڕه‌شی ۱٦ـی ئۆكتۆبه‌ر ده‌كاته به‌ڵگه‌نامه‌ی دیكۆمێنتاری و چاوپێكه‌وتن له‌گه‌ڵ سه‌رۆك بارزانی ئه‌نجام ئه‌دات ،له تۆمارێكی ڤیدیۆیی دیكۆمێنتاریدا كه‌ناڵی ئه‌لجه‌زیره‌ی عه‌ره‌بی باس له وورده‌كارییه‌كانی خیانه‌تی ۱٦ـی ئۆكتۆبه‌رو داگیركردنی شاری كه‌ركوك ده‌كات .
کەناڵی جەزیرە چاوپێکەوتنێکی لەگەڵ سەرۆک بارزانی ئه‌نجام داوه، سەرۆک بارزانی له چاوپێكه‌وتنه‌كه‌ی كه‌ناڵی ئه‌لجه‌زیره‌ی عه‌ره‌بی رایدەگەیەنێت، گرووپی ۱٦ـی ئۆکتۆبەر خیانەتی نیشتمانییان لە کوردستان کرد، بەپێش دەبابەکانی داگیرکەر کەوتن و لە پشتەوە خەنجەریان لە پشتی پێشمەرگەی كوردستان دا.
دۆکیومێنتارییەکە بە ناوی ( ما خفي أعظم = ئەوەی شاردراوەتەوە زۆر گەورەترە) کراوە و بڕیارە شەوی یەکشەممە ۲۳ی۹ی۲۰۱۸کاتژمێر ۱۰:۰۵ خولەکی لەسەر شاشەی کەناڵی جەزیرە، پەخش بکرێت.
