مووچه‌ی ئه‌م وه‌زاره‌تانه دابه‌ش ده‌كرێت
دوای ده‌ستپێكردنه‌وه‌ی پێدانی موچه‌ی مانگی 6ی حكومه‌تی هه‌رێمی كوردستان, سه‌رچاوه‌یه‌كی وه‌زاره‌تی دارایی و ئابووری رایگه‌یاندووه، له رۆژانی داهاتوو مووچه‌ی چه‌ند وه‌زاره‌ت و ده‌سته و به‌ڕێوه‌به‌رایه‌تی دابه‌ش ده‌كرێت.
به پێی نازیاریه‌كانی (خواكوڕك), رۆژی یه‌كشه‌ممه 23/9/2018 مووچه‌ی هه‌ریه‌ك له وه‌زاره‌تی ناوخۆ، ئه‌نجوومه‌نی ئاسایش، ده‌زگای ئاسایش، هێزی زێره‌ڤانی و به‌رگری و فریاكه‌وتن و به‌ڕێوه‌به‌رایه‌تی گشتی ره‌گه‌زنامه دابه‌ش ده‌كرێت.
هه‌ر به‌گوێره‌ی ئه‌و سه‌رچاوه‌یه، رۆژی دووشه‌ممه 24/9/2018، مووچه‌ی سه‌رجه‌م وه‌زاره‌ت و داموده‌زگا‌كانی دیكه‌ی كه خه‌رج نه‌كراون خه‌رج ده‌كرێت.
رۆژی سێشه‌ممه 25/9/2018 مووچه‌ی خانه‌نشینی پێشمه‌رگه دابه‌ش ده‌كرێت و رۆژی چوارشه‌ممه و پێنجشه‌ممه‌ش 26و27/9/2018 مووچه‌ی خانه‌نشینی شارستانی خه‌رج ده‌كرێت.
ئەمڕۆ وەزارەتی دارایی و ئابووری حكوومەتی ھەرێمی كوردستان، مووچەی وەزارەتی كار و کاروباری کۆمەڵایەتی دابەش كرد.
