سه‌ركه‌وتی كوبه وازی له بزوتنه‌وه‌ی گۆران هێناو به‌نیازی گه‌ڕانه‌وه‌یه بۆ ناو یه‌كێتی
سەرکەوتی کوبە ھەڵسوڕاوی دیاری بزوتنەوەی گۆڕان وازھێنانی خۆی پێشکەشی بزوتنەوەکە کردووەو به‌نیازه بگه‌ڕێته‌وه بۆناو یەکێتی نیشتمانی کوردستان.
به‌پێی زانیارییه‌كانی ” خواكوڕك ” له چه‌ند سه‌رچاوه‌یه‌كی ناو گۆڕان سه‌ركه‌وت حه‌سه‌ن ناسراو به سه‌ركه‌وتی كوبه هه‌ڵسوراوی بزوتنه‌وه‌ی گۆران ئه‌مرۆ ٢٥ی ئەیلولی ٢٠١٨، ماڵئاوایی له گۆران كردووه و به‌نیازی گه‌رانه‌وه‌یه بۆ ناو یه‌كێتی نیشتیمانی كوردستان .
به‌ڵام تا ئێستا به‌فه‌رمی له گۆڕانه‌وه ئه‌م هه‌واڵه پشت ڕاست نه‌كراوه و تا ئێستا روون نییه سه‌ركه‌وتی كوبه به گه‌رانه‌وه‌ی بۆ ناو یه‌كێتی چی پله‌و پۆستێكی پێده‌به‌خشرێت .
پێشتر سه‌ركه‌وتی كوبه له ناو یه‌كێتی دا به‌رێوبه‌ری ئاسایشی سلێمانی بووه‌و دواترلابراوه‌و چووه‌ته ناو بزوتنه‌وه‌ی گۆران وله‌كاتی به‌شداریكردنی حكومه‌تدا پۆستی بریكاری وه‌زیری ناوخۆی پێبه‌خشراوه .
مانگی ۳ی ئه‌مساڵ سه‌ركه‌وتی كوبه و پاسه‌وانه‌كانی به بۆكس و شه‌ق په‌لاماری سه‌باح عه‌لی قاره‌مان رۆژنامه‌نوسی گۆران دا هه‌ڕه‌شه‌ی كوشتنیشیان لێكردبوو.
