قوباد تاڵەبانی بەڵێنی ۵۰ هەزار هەلی کارەکەی كه‌مكرده‌وه بۆ ٤۰ هه‌زار هه‌لیكار
قوباد تاڵه‌بانی سەرۆک لیستی یەکێتیی نیشتمانیی کوردستان لە یەکەم ھەفتەی بانگەشەی ھەڵبژاردن بۆلیسته‌كه‌ی لە شارو شارۆچكەکانی کوردستان بەڵێنی بە خەڵکیدا کە لەڕێگەی بەگەڕخستنەوەی دوو ھەزار کارگە ٥٠ ھەزار ھەلی کار بۆ ھاووڵاتیان دەڕەخسێنێت، بەڵام لە ھەفتەی کۆتایی ژمارەکەی بۆ ٤٠ ھەزار ھەلیکار کەمکردەوە.
دوو ھەفتە لەمەوبەر و رۆژی ١١ی٩ی٢٠١٨ قوباد تاڵەبانی سه‌رۆكی لیستی ژماره ۱۰۵ـی یه‌كێتی لە گوتارێکدا لە بانگەشەی ھەڵبژاردنی حیزبەکی لە رانیە گوتی: “ئێمە دەتوانین زیاتر لە ٥٠ ھەزار ھەلی کار دروستبکەین ، ئەمەش لەڕێگەی بەگەڕخستنەوەی دوو ھەزار کارگە کە ئێستا داخراون و ھاندانی کردنەوەی کارگەی زیاتر لە داھاتوودا “.
ھاوکات رۆژی دووشەممە ٢٤ی٩ی٢٠١٨، قوباد تاڵەبانی سه‌رۆكی لیستی ژماره ۱۰۵ـی یه‌كێتی لە دیدارێکی رادیۆی کوردسات ژمارەی ئەو ھەلیکارەی لە ٥٠ ھەزارەوە بۆ ٤٠ ھەزار ھەلی کار کەمکردووەتەوە و دەڵێت: “پلانمان ئەوەیە کە ئیدی تەنھا پشت بە نەوت نەبەستین، بەڵکو لەڕێگەی گرنگیدان بەکەرتی کشتوکاڵ و پێشەسازی و بەگەڕخستنەوەی دوو ھەزار کارگە کە لە رێگەیەوە دەتوانرێت ٤٠ ھەزار ھەلیکار بڕەخسێنین”.
دوای ۱۳رۆژ قوباد تاڵه‌بانی سه‌رۆكی لیستی یه‌كێتی له به‌ڵێنه‌كه‌ی په‌شیمان بویه‌وه‌و ۱۰هه‌زار هه‌لی كار كه‌میكرد ،ئه‌مه له‌كاتێكدایه یه‌كێتی له قه‌ڵه‌مڕه‌وی خۆیدا هیچ به‌ره‌و پێشچونێكی نه‌سیاسی و كلتوری و فه‌رهه‌نگی نه‌خزمه‌تگوزاری و ئیداری ئه‌نجام نه‌داوه‌و هاوشێوه‌ی هه‌ولێر و دهۆك به‌شه بودجه‌ی خۆی كه‌له %٤۸ بۆ سلێمانی له بودجه‌ی گشتی وه‌رگرتووه ، ئه‌م به‌ڵێنانه‌ی یه‌كیتی له‌كاتێدایه كه بڕیارە رۆژی ٣٠-٩-٢٠١٨، ھەڵبژاردنی خولی پێنجەمی پەرلەمانی کوردستان بەڕێوەبێچێت.
