یه‌كێتی هه‌ڕه‌شه‌ی موچه بڕین ده‌كات ئه‌گه‌ر ده‌نگیان پێنه‌ده‌ن
دوای ئه‌وه‌ی ژماره‌یه‌ك كادر و ئه‌ندامی هاوپه‌یمانی بۆ دیموكرسی و داد په‌روه‌ری په‌یوه‌ندیان به ریزه‌كانی پارتی دیموكراتی كوردستان كرد, ئه‌مڕۆ نیزكه‌ی دووسه‌د كه‌س له سنوری كفری و كه‌لار په‌یوه‌ندیان به ریزه‌كانی پارتیه‌وكرد, پێشمه‌رگه‌یه‌كش له سنوری سلێمانی رایده‌گه‌یه‌نێت كه یه‌كێتی هه‌ڕه‌شه‌ی موچه بڕینی كردووه له ئه‌گه‌ری په‌یوه‌ندی كردن به هه‌ر حزبێك .
پێشمه‌رگه‌یه‌كی كوردستان كه پێشتر له سنوری سلێمانی بووه‌ته پێشمه‌رگه, له سنوری كه‌ركووك دژ به داعش جه‌نگاوه, له‌به‌ر هه‌ستیاری دۆخه‌كه‌ی نه‌یویست ئاماه به ناوه‌كه بكه‌ین به (خواكوڕك)ی راگه‌یاند:” دوای خیانه‌تی 16ـی ئۆكتۆبه‌ر ژماره‌یه‌كی زۆری پێشمه‌رگه به‌ڵنیان دابوو ئیدی ده‌نگ به یه‌كێتی نه‌ده‌ن و په‌یه‌ندی به پارتیه‌وه بكه‌ن, به‌ڵام دواتر له لایه‌ن فه‌رمانداره‌كانمان ئاگادار كراینه‌وه كه هه‌ر كه‌سێك ده‌نگ به یه‌كێتی نه‌دات مووچه‌كه‌ی ده‌بڕین.
ئه‌و پێشمه‌رگه‌یه گوتیشی:” نه‌ك ئێمه خانه‌واده‌كانیشمان له هه‌ڵبژاردنی داهاتووی كوردستان ده‌نگ به لیستی پارتی ده‌ده‌ین تۆله‌ی خیانه‌تی نیشتمان و خیانه‌ت له هه‌یبه‌تی پێشمه‌رگه له یه‌كێی ده‌كه‌ینه‌وه.
